Abdulloh ibn Umar (roziyallohu anhumo)dan rivoyat qilinadiki, u shunday dedi: Yahudiylar Rasululloh ﷺ ning oldilariga kelib, ulardan bir erkak va bir ayol zino qilganini u zotga aytdilar. Shunda Rasululloh ﷺ ularga: «Tavrotda rajm (toshboʻron qilish) haqida nimani topasizlar?» dedilar. Ular: «Biz ularni sharmanda qilamiz va ular qamchilanadi», deyishdi. Abdulloh ibn Salom (roziyallohu anhu): «Yolgʻon aytdingiz! Unda rajm bor», dedi. Shunda ular Tavrotni keltirib, uni yoyishdi. Ulardan biri qoʻlini rajm oyatining ustiga qoʻyib, undan avvalgi va keyingi (oyatlar)ni oʻqidi. Abdulloh ibn Salom unga: «Qoʻlingni koʻtar», dedi. U qoʻlini koʻtargan edi, oʻsha yerda rajm oyati (turgan) edi. Shunda ular: «Rost aytding, ey Muhammad, unda rajm oyati bor», deyishdi. Rasululloh ﷺ ular haqida amr qildilar va ikkovi rajm qilindi. Abdulloh ibn Umar: «Men erkakning ayolning ustiga engashib, uni toshlardan toʻsayotganini koʻrdim», dedi.Абдуллоҳ ибн Умар (розияллоҳу анҳумо)дан ривоят қилинадики, у шундай деди: Яҳудийлар Расулуллоҳ ﷺ нинг олдиларига келиб, улардан бир эркак ва бир аёл зино қилганини у зотга айтдилар. Шунда Расулуллоҳ ﷺ уларга: «Тавротда ражм (тошбўрон қилиш) ҳақида нимани топасизлар?» дедилар. Улар: «Биз уларни шарманда қиламиз ва улар қамчиланади», дейишди. Абдуллоҳ ибн Салом (розияллоҳу анҳу): «Ёлғон айтдингиз! Унда ражм бор», деди. Шунда улар Тавротни келтириб, уни ёйишди. Улардан бири қўлини ражм оятининг устига қўйиб, ундан аввалги ва кейинги (оятлар)ни ўқиди. Абдуллоҳ ибн Салом унга: «Қўлингни кўтар», деди. У қўлини кўтарган эди, ўша ерда ражм ояти (турган) эди. Шунда улар: «Рост айтдинг, эй Муҳаммад, унда ражм ояти бор», дейишди. Расулуллоҳ ﷺ улар ҳақида амр қилдилар ва иккови ражм қилинди. Абдуллоҳ ибн Умар: «Мен эркакнинг аёлнинг устига энгашиб, уни тошлардан тўсаётганини кўрдим», деди.