Zayd ibn Aslam (rahimahulloh)dan rivoyat qilinadiki, bir kishi Rasululloh ﷺ zamonlarida oʻz-oʻziga qarshi zino qilganini iqror boʻldi. Shunda Rasululloh ﷺ (uni savalash uchun) qamchi soʻradilar. Singan bir qamchi keltirildi. U zot: «Bundan yaxshirogʻini», dedilar. Soʻng tugunlari hali kesilmagan yangi qamchi keltirildi. U zot: «Bundan pastrogʻini», dedilar. Soʻng ishlatilib, yumshab qolgan bir qamchi keltirildi. Rasululloh ﷺ buyurdilar va u savalandi. Soʻng u zot: «Ey odamlar, Allohning hadlaridan (haddan oshishdan) tiyilishingiz vaqti keldi. Kim mana shu iflosliklardan biror narsani qilib qoʻygan boʻlsa, Allohning pardasi bilan (oʻzini) yashirsin. Zero, kim bizga oʻz yuzini (fosh qilib) koʻrsatsa, biz unga Allohning Kitobi (hukmi)ni ijro qilamiz», dedilar.Зайд ибн Аслам (раҳимаҳуллоҳ)дан ривоят қилинадики, бир киши Расулуллоҳ ﷺ замонларида ўз-ўзига қарши зино қилганини иқрор бўлди. Шунда Расулуллоҳ ﷺ (уни савалаш учун) қамчи сўрадилар. Синган бир қамчи келтирилди. У зот: «Бундан яхшироғини», дедилар. Сўнг тугунлари ҳали кесилмаган янги қамчи келтирилди. У зот: «Бундан пастроғини», дедилар. Сўнг ишлатилиб, юмшаб қолган бир қамчи келтирилди. Расулуллоҳ ﷺ буюрдилар ва у саваланди. Сўнг у зот: «Эй одамлар, Аллоҳнинг ҳадларидан (ҳаддан ошишдан) тийилишингиз вақти келди. Ким мана шу ифлосликлардан бирор нарсани қилиб қўйган бўлса, Аллоҳнинг пардаси билан (ўзини) яширсин. Зеро, ким бизга ўз юзини (фош қилиб) кўрсатса, биз унга Аллоҳнинг Китоби (ҳукми)ни ижро қиламиз», дедилар.