Ibn Shihob (rahimahulloh) Safvon ibn Abdulloh ibn Safvondan rivoyat qilishicha, Safvon ibn Umayya (roziyallohu anhu)ga: «Kim hijrat qilmasa, halok boʻlibdi», deyildi. Shunda Safvon ibn Umayya Madinaga kelib, masjidda ridosini yostiq qilib uxladi. Bir oʻgʻri kelib, uning ridosini oldi. Safvon oʻgʻrini ushlab, uni Rasululloh ﷺ ning oldilariga keltirdi. Rasululloh ﷺ unga: «Shu (kishi)ning ridosini oʻgʻirladingmi?» dedilar. U: «Ha», dedi. Shunda Rasululloh ﷺ uning qoʻlini kesishga buyurdilar. Safvon u zotga: «Yo Rasululloh, men buni istamagan edim; u (rido) unga sadaqa boʻlsin», dedi. Rasululloh ﷺ: «Uni mening oldimga keltirishingdan avval (kechirmading)mi?» dedilar.Ибн Шиҳоб (раҳимаҳуллоҳ) Сафвон ибн Абдуллоҳ ибн Сафвондан ривоят қилишича, Сафвон ибн Умайя (розияллоҳу анҳу)га: «Ким ҳижрат қилмаса, ҳалок бўлибди», дейилди. Шунда Сафвон ибн Умайя Мадинага келиб, масжидда ридосини ёстиқ қилиб ухлади. Бир ўғри келиб, унинг ридосини олди. Сафвон ўғрини ушлаб, уни Расулуллоҳ ﷺ нинг олдиларига келтирди. Расулуллоҳ ﷺ унга: «Шу (киши)нинг ридосини ўғирладингми?» дедилар. У: «Ҳа», деди. Шунда Расулуллоҳ ﷺ унинг қўлини кесишга буюрдилар. Сафвон у зотга: «Ё Расулуллоҳ, мен буни истамаган эдим; у (ридо) унга садақа бўлсин», деди. Расулуллоҳ ﷺ: «Уни менинг олдимга келтиришингдан аввал (кечирмадинг)ми?» дедилар.