Zayd ibn Aslam (rahimahulloh)dan rivoyat qilinadiki, Ibn Vaʼla al-Misriy Abdulloh ibn Abbos (roziyallohu anhumo)dan uzumdan siqib olinadigan (ichimlik) haqida soʻradi. Ibn Abbos: «Bir kishi Rasululloh ﷺga bir meshkob xamrni hadya qildi. Rasululloh ﷺ unga: ‹Alloh uni harom qilganini bilmaysanmi?› dedilar. U: ‹Yoʻq›, dedi. Soʻng yonidagi bir kishi unga (nimadir) shivirladi. U zot ﷺ (haligi kishiga): ‹Unga nima shivirlading?› dedilar. U: ‹Uni sotishga buyurdim›, dedi. Shunda Rasululloh ﷺ unga: ‹Uni ichishni harom qilgan Zot, uni sotishni ham harom qildi›, dedilar. Shunda haligi kishi ikkala meshni ochib, ichidagi (xamr) tamom boʻlguncha (toʻkib yubordi)», dedi.Зайд ибн Аслам (раҳимаҳуллоҳ)дан ривоят қилинадики, Ибн Ваъла ал-Мисрий Абдуллоҳ ибн Аббос (розияллоҳу анҳумо)дан узумдан сиқиб олинадиган (ичимлик) ҳақида сўради. Ибн Аббос: «Бир киши Расулуллоҳ ﷺга бир мешкоб хамрни ҳадя қилди. Расулуллоҳ ﷺ унга: ‹Аллоҳ уни ҳаром қилганини билмайсанми?› дедилар. У: ‹Йўқ›, деди. Сўнг ёнидаги бир киши унга (нимадир) шивирлади. У зот ﷺ (ҳалиги кишига): ‹Унга нима шивирладинг?› дедилар. У: ‹Уни сотишга буюрдим›, деди. Шунда Расулуллоҳ ﷺ унга: ‹Уни ичишни ҳаром қилган Зот, уни сотишни ҳам ҳаром қилди›, дедилар. Шунда ҳалиги киши иккала мешни очиб, ичидаги (хамр) тамом бўлгунча (тўкиб юборди)», деди.