أَخْبَرَنَا قُتَيْبَةُ، قَالَ حَدَّثَنَا يَعْقُوبُ، - وَهُوَ ابْنُ عَبْدِ الرَّحْمَنِ - عَنْ أَبِي حَازِمٍ، عَنْ سَهْلِ بْنِ سَعْدٍ، أَنَّ رَسُولَ اللَّهِ صلى الله عليه وسلم بَلَغَهُ أَنَّ بَنِي عَمْرِو بْنِ عَوْفٍ كَانَ بَيْنَهُمْ شَىْءٌ فَخَرَجَ رَسُولُ اللَّهِ صلى الله عليه وسلم لِيُصْلِحَ بَيْنَهُمْ فِي أُنَاسٍ مَعَهُ فَحُبِسَ رَسُولُ اللَّهِ صلى الله عليه وسلم فَحَانَتِ الأُولَى فَجَاءَ بِلاَلٌ إِلَى أَبِي بَكْرٍ فَقَالَ يَا أَبَا بَكْرٍ إِنَّ رَسُولَ اللَّهِ صلى الله عليه وسلم قَدْ حُبِسَ وَقَدْ حَانَتِ الصَّلاَةُ فَهَلْ لَكَ أَنْ تَؤُمَّ النَّاسَ قَالَ نَعَمْ إِنْ شِئْتَ . فَأَقَامَ بِلاَلٌ وَتَقَدَّمَ أَبُو بَكْرٍ فَكَبَّرَ بِالنَّاسِ وَجَاءَ رَسُولُ اللَّهِ صلى الله عليه وسلم يَمْشِي فِي الصُّفُوفِ حَتَّى قَامَ فِي الصَّفِّ وَأَخَذَ النَّاسُ فِي التَّصْفِيقِ وَكَانَ أَبُو بَكْرٍ لاَ يَلْتَفِتُ فِي صَلاَتِهِ فَلَمَّا أَكْثَرَ النَّاسُ الْتَفَتَ فَإِذَا رَسُولُ اللَّهِ صلى الله عليه وسلم فَأَشَارَ إِلَيْهِ رَسُولُ اللَّهِ صلى الله عليه وسلم يَأْمُرُهُ أَنْ يُصَلِّيَ فَرَفَعَ أَبُو بَكْرٍ يَدَيْهِ فَحَمِدَ اللَّهَ عَزَّ وَجَلَّ وَرَجَعَ الْقَهْقَرَى وَرَاءَهُ حَتَّى قَامَ فِي الصَّفِّ فَتَقَدَّمَ رَسُولُ اللَّهِ صلى الله عليه وسلم فَصَلَّى بِالنَّاسِ فَلَمَّا فَرَغَ أَقْبَلَ عَلَى النَّاسِ فَقَالَ " يَا أَيُّهَا النَّاسُ مَا لَكُمْ حِينَ نَابَكُمْ شَىْءٌ فِي الصَّلاَةِ أَخَذْتُمْ فِي التَّصْفِيقِ إِنَّمَا التَّصْفِيقُ لِلنِّسَاءِ مَنْ نَابَهُ شَىْءٌ فِي صَلاَتِهِ فَلْيَقُلْ سُبْحَانَ اللَّهِ فَإِنَّهُ لاَ يَسْمَعُهُ أَحَدٌ حِينَ يَقُولُ سُبْحَانَ اللَّهِ إِلاَّ الْتَفَتَ إِلَيْهِ يَا أَبَا بَكْرٍ مَا مَنَعَكَ أَنْ تُصَلِّيَ لِلنَّاسِ حِينَ أَشَرْتُ إِلَيْكَ " . قَالَ أَبُو بَكْرٍ مَا كَانَ يَنْبَغِي لاِبْنِ أَبِي قُحَافَةَ أَنْ يُصَلِّيَ بَيْنَ يَدَىْ رَسُولِ اللَّهِ صلى الله عليه وسلم .
Sahl ibn Saʼd (roziyallohu anhu)dan rivoyat qilinadi: Rasululloh ﷺga Amr ibn Avf oʻgʻillari orasida nizo borligi yetib keldi. Shunda Rasululloh ﷺ ularni yarashtirish uchun bir necha kishi hamrohligida chiqib ketdilar. Rasululloh ﷺ oʻsha yerda ushlanib qoldilar va peshin vaqti kirdi. Bilol Abu Bakr oldiga kelib: «Ey Abu Bakr, Rasululloh ﷺ ushlanib qoldilar, namoz vaqti ham kirdi. Odamlarga imom boʻlib bermaysizmi?» dedi. U: «Ha, xohlasang», dedi. Bilol iqomat aytdi va Abu Bakr oldinga oʻtib, odamlarga takbir aytdi. Rasululloh ﷺ saflar orasidan yurib kelib, safda turdilar. Odamlar chapak chala boshladilar. Abu Bakr namozida oʻgirilmas edi, biroq odamlar koʻp chapak chalgach, oʻgirilsa, Rasululloh ﷺ ekanlar. Rasululloh ﷺ unga namozni oʻqiyverishga ishora qildilar. Abu Bakr qoʻllarini koʻtarib, aziz va jalil Allohga hamd aytdi va orqasiga tisarilib, safda turdi. Soʻng Rasululloh ﷺ oldinga oʻtib, odamlarga namoz oʻqib berdilar. Namozdan boʻshagach, odamlarga yuzlanib: «Ey odamlar, namozda sizga bir narsa yuz berganda nega chapak chalasizlar? Chapak chalish ayollar uchundir. Kimga namozida bir narsa yuz bersa, ‹Subhanalloh› desin. Chunki u ‹Subhanalloh› deganda, uni eshitgan har bir kishi albatta unga qarab qoʻyadi. Ey Abu Bakr, men senga ishora qilganimda, odamlarga namoz oʻqib berishdan seni nima toʻsdi?» dedilar. Abu Bakr: «Abu Quhofaning oʻgʻliga Rasululloh ﷺ oldida namoz oʻqib berish loyiq emas edi», dedi.Саҳл ибн Саъд (розияллоҳу анҳу)дан ривоят қилинади: Расулуллоҳ ﷺга Амр ибн Авф ўғиллари орасида низо борлиги етиб келди. Шунда Расулуллоҳ ﷺ уларни яраштириш учун бир неча киши ҳамроҳлигида чиқиб кетдилар. Расулуллоҳ ﷺ ўша ерда ушланиб қолдилар ва пешин вақти кирди. Билол Абу Бакр олдига келиб: «Эй Абу Бакр, Расулуллоҳ ﷺ ушланиб қолдилар, намоз вақти ҳам кирди. Одамларга имом бўлиб бермайсизми?» деди. У: «Ҳа, хоҳласанг», деди. Билол иқомат айтди ва Абу Бакр олдинга ўтиб, одамларга такбир айтди. Расулуллоҳ ﷺ сафлар орасидан юриб келиб, сафда турдилар. Одамлар чапак чала бошладилар. Абу Бакр намозида ўгирилмас эди, бироқ одамлар кўп чапак чалгач, ўгирилса, Расулуллоҳ ﷺ эканлар. Расулуллоҳ ﷺ унга намозни ўқийверишга ишора қилдилар. Абу Бакр қўлларини кўтариб, азиз ва жалил Аллоҳга ҳамд айтди ва орқасига тисарилиб, сафда турди. Сўнг Расулуллоҳ ﷺ олдинга ўтиб, одамларга намоз ўқиб бердилар. Намоздан бўшагач, одамларга юзланиб: «Эй одамлар, намозда сизга бир нарса юз берганда нега чапак чаласизлар? Чапак чалиш аёллар учундир. Кимга намозида бир нарса юз берса, ‹Субҳаналлоҳ› десин. Чунки у ‹Субҳаналлоҳ› деганда, уни эшитган ҳар бир киши албатта унга қараб қўяди. Эй Абу Бакр, мен сенга ишора қилганимда, одамларга намоз ўқиб беришдан сени нима тўсди?» дедилар. Абу Бакр: «Абу Қуҳофанинг ўғлига Расулуллоҳ ﷺ олдида намоз ўқиб бериш лойиқ эмас эди», деди.