Jobir ibn Abdulloh (roziyallohu anhumo)dan rivoyat qilinadi: Muoz Nabiy ﷺ bilan namoz oʻqir, soʻng oʻz qavmiga qaytib, ularga imomlik qilardi. Bir kecha u namozni kechiktirib, Nabiy ﷺ bilan namoz oʻqidi, keyin qavmiga qaytib, ularga imomlik qilib Baqara surasini oʻqidi. Qavmdan bir kishi buni eshitib, chetga chiqib namozini oʻzi oʻqib oldi, soʻng chiqib ketdi. Odamlar: «Ey falonchi, munofiq boʻlibsan», deyishdi. U: «Vallohi, munofiq boʻlganim yoʻq, Nabiyning ﷺ oldiga borib, xabar beraman», dedi. Soʻng Nabiy ﷺ ning oldiga kelib: «Yo Rasululloh, Muoz siz bilan namoz oʻqiydi, keyin bizga kelib imomlik qiladi. Kecha siz namozni kechiktirdingiz, u siz bilan oʻqib, soʻng qaytib bizga imomlik qildi va Baqara surasini boshladi. Men buni eshitib, chetga chiqib namozimni oʻzim oʻqib oldim. Biz esa suv tashuvchi tuyaviy odamlarmiz, qoʻllarimiz bilan ishlaymiz», dedi. Shunda Nabiy ﷺ unga: «Ey Muoz, fitnachimisan?! Falon surani, falon surani oʻqi», dedilar.Жобир ибн Абдуллоҳ (розияллоҳу анҳумо)дан ривоят қилинади: Муоз Набий ﷺ билан намоз ўқир, сўнг ўз қавмига қайтиб, уларга имомлик қиларди. Бир кеча у намозни кечиктириб, Набий ﷺ билан намоз ўқиди, кейин қавмига қайтиб, уларга имомлик қилиб Бақара сурасини ўқиди. Қавмдан бир киши буни эшитиб, четга чиқиб намозини ўзи ўқиб олди, сўнг чиқиб кетди. Одамлар: «Эй фалончи, мунофиқ бўлибсан», дейишди. У: «Валлоҳи, мунофиқ бўлганим йўқ, Набийнинг ﷺ олдига бориб, хабар бераман», деди. Сўнг Набий ﷺ нинг олдига келиб: «Ё Расулуллоҳ, Муоз сиз билан намоз ўқийди, кейин бизга келиб имомлик қилади. Кеча сиз намозни кечиктирдингиз, у сиз билан ўқиб, сўнг қайтиб бизга имомлик қилди ва Бақара сурасини бошлади. Мен буни эшитиб, четга чиқиб намозимни ўзим ўқиб олдим. Биз эса сув ташувчи туявий одамлармиз, қўлларимиз билан ишлаймиз», деди. Шунда Набий ﷺ унга: «Эй Муоз, фитначимисан?! Фалон сурани, фалон сурани ўқи», дедилар.