Ibn Abbos (roziyallohu anhumo)dan rivoyat qilinadi: U Allohning {Namozingda ovozingni juda ham koʻtarib yuborma va uni juda ham pasaytirib ham yuborma} (Isro 110) degan aytgani haqida shunday dedi: «Bu oyat Rasululloh ﷺ Makkada yashirincha turgan paytda nozil boʻldi. U zot ashoblariga namoz oʻqib berganlarida ovozlarini koʻtarardilar — Ibn Maniʼ: Qurʼonni ovoz chiqarib oʻqirdilar, dedi — mushriklar ovozlarini eshitsalar, Qurʼonni, uni nozil qilgan Zotni va uni olib kelgan kishini haqorat qilardilar. Shunda Alloh azza va jalla Oʻz Nabiysiga ﷺ: {Namozingda ovozingni koʻtarib yuborma}, yaʼni qiroatingni, mushriklar eshitib Qurʼonni haqorat qilmasinlar; {va uni pasaytirib ham yuborma}, ashoblaringdan yashirib, ular eshitmay qolmasinlar; {bularning orasidan bir yoʻlni ixtiyor qil} (Isro 110) dedi».Ибн Аббос (розияллоҳу анҳумо)дан ривоят қилинади: У Аллоҳнинг {Намозингда овозингни жуда ҳам кўтариб юборма ва уни жуда ҳам пасайтириб ҳам юборма} (Исро 110) деган айтгани ҳақида шундай деди: «Бу оят Расулуллоҳ ﷺ Маккада яширинча турган пайтда нозил бўлди. У зот ашобларига намоз ўқиб берганларида овозларини кўтарардилар — Ибн Маниъ: Қуръонни овоз чиқариб ўқирдилар, деди — мушриклар овозларини эшитсалар, Қуръонни, уни нозил қилган Зотни ва уни олиб келган кишини ҳақорат қилардилар. Шунда Аллоҳ азза ва жалла Ўз Набийсига ﷺ: {Намозингда овозингни кўтариб юборма}, яъни қироатингни, мушриклар эшитиб Қуръонни ҳақорат қилмасинлар; {ва уни пасайтириб ҳам юборма}, ашобларингдан яшириб, улар эшитмай қолмасинлар; {буларнинг орасидан бир йўлни ихтиёр қил} (Исро 110) деди».