Oisha (roziyallohu anho)dan rivoyat qilinadi: Bir yahudiy ayol uning oldiga kelib: «Alloh seni qabr azobidan asrasin», dedi. Oisha: «Ey Rasululloh, odamlar qabrlarda azoblanadilarmi?» dedi. Rasululloh ﷺ: «Allohdan panoh soʻrayman», dedilar. Oisha aytadi: Nabiy ﷺ bir joyga chiqib ketdilar, shu payt quyosh tutildi. Biz hujraga chiqdik, oldimizga ayollar toʻplandi. Rasululloh ﷺ oldimizga keldilar, bu choshgoh payti edi. U zot uzoq qiyomda turdilar, soʻng uzoq rukuʼ qildilar, soʻng boshlarini koʻtarib birinchi qiyomdan qisqaroq turdilar, soʻng birinchi rukuʼdan qisqaroq rukuʼ qildilar, soʻng sajda qildilar. Soʻng ikkinchi rakaatga turib xuddi shunday qildilar, faqat rukuʼlari va qiyomlari birinchi rakaatdan qisqaroq edi, soʻng sajda qildilar. Quyosh yorishdi. Namozdan chiqqach, minbarga oʻtirib aytgan gaplari orasida: «Albatta, odamlar qabrlarida Dajjol fitnasiga oʻxshash fitnaga solinadilar», dedilar. Oisha aytadi: Shundan keyin biz u zotning qabr azobidan panoh soʻrab turganlarini eshitar edik.Оиша (розияллоҳу анҳо)дан ривоят қилинади: Бир яҳудий аёл унинг олдига келиб: «Аллоҳ сени қабр азобидан асрасин», деди. Оиша: «Эй Расулуллоҳ, одамлар қабрларда азобланадиларми?» деди. Расулуллоҳ ﷺ: «Аллоҳдан паноҳ сўрайман», дедилар. Оиша айтади: Набий ﷺ бир жойга чиқиб кетдилар, шу пайт қуёш тутилди. Биз ҳужрага чиқдик, олдимизга аёллар тўпланди. Расулуллоҳ ﷺ олдимизга келдилар, бу чошгоҳ пайти эди. У зот узоқ қиёмда турдилар, сўнг узоқ рукуъ қилдилар, сўнг бошларини кўтариб биринчи қиёмдан қисқароқ турдилар, сўнг биринчи рукуъдан қисқароқ рукуъ қилдилар, сўнг сажда қилдилар. Сўнг иккинчи ракаатга туриб худди шундай қилдилар, фақат рукуълари ва қиёмлари биринчи ракаатдан қисқароқ эди, сўнг сажда қилдилар. Қуёш ёришди. Намоздан чиққач, минбарга ўтириб айтган гаплари орасида: «Албатта, одамлар қабрларида Дажжол фитнасига ўхшаш фитнага солинадилар», дедилар. Оиша айтади: Шундан кейин биз у зотнинг қабр азобидан паноҳ сўраб турганларини эшитар эдик.