Abdulloh ibn Umar (roziyallohu anhumo)dan rivoyat qilinadi: Abdulloh ibn Ubay vafot etganida uning oʻgʻli Nabiy ﷺ huzuriga kelib: «Menga koʻylagingizni bering, uni shunga kafanlay, unga janoza oʻqing va unga magʻfirat soʻrang», dedi. U zot unga oʻz koʻylaklarini berdilar, soʻng: «Tugatganlaringizda menga xabar beringlar, unga janoza oʻqiyman», dedilar. Umar u zotni tortib: «Alloh sizni munofiqlarga janoza oʻqishdan qaytarmadimi?» dedi. U zot: «Men ikki narsa orasida ixtiyorli qilindim», dedilar. Alloh: {Ular uchun magʻfirat soʻrasang ham, magʻfirat soʻramasang ham (birdir)} degan edi. Shunda u zot unga janoza oʻqidilar. Bas, Alloh taolo: {Ulardan biror kishi oʻlsa, unga hech qachon janoza oʻqima va uning qabri ustida turma} oyatini nozil qildi. Shundan soʻng u zot ularga janoza oʻqishni tark etdilar.Абдуллоҳ ибн Умар (розияллоҳу анҳумо)дан ривоят қилинади: Абдуллоҳ ибн Убай вафот этганида унинг ўғли Набий ﷺ ҳузурига келиб: «Менга кўйлагингизни беринг, уни шунга кафанлай, унга жаноза ўқинг ва унга мағфират сўранг», деди. У зот унга ўз кўйлакларини бердилар, сўнг: «Тугатганларингизда менга хабар беринглар, унга жаноза ўқийман», дедилар. Умар у зотни тортиб: «Аллоҳ сизни мунофиқларга жаноза ўқишдан қайтармадими?» деди. У зот: «Мен икки нарса орасида ихтиёрли қилиндим», дедилар. Аллоҳ: {Улар учун мағфират сўрасанг ҳам, мағфират сўрамасанг ҳам (бирдир)} деган эди. Шунда у зот унга жаноза ўқидилар. Бас, Аллоҳ таоло: {Улардан бирор киши ўлса, унга ҳеч қачон жаноза ўқима ва унинг қабри устида турма} оятини нозил қилди. Шундан сўнг у зот уларга жаноза ўқишни тарк этдилар.