أَخْبَرَنَا الرَّبِيعُ بْنُ سُلَيْمَانَ، قَالَ حَدَّثَنَا شُعَيْبُ بْنُ اللَّيْثِ، قَالَ حَدَّثَنَا اللَّيْثُ، عَنِ ابْنِ عَجْلاَنَ، عَنْ أَبِي الزِّنَادِ، عَنِ الأَعْرَجِ، عَنْ أَبِي هُرَيْرَةَ، قَالَ عَنْ رَسُولِ اللَّهِ صلى الله عليه وسلم " قَالَ اللَّهُ عَزَّ وَجَلَّ كَذَّبَنِي ابْنُ آدَمَ وَلَمْ يَكُنْ يَنْبَغِي لَهُ أَنْ يُكَذِّبَنِي وَشَتَمَنِي ابْنُ آدَمَ وَلَمْ يَكُنْ يَنْبَغِي لَهُ أَنْ يَشْتِمَنِي أَمَّا تَكْذِيبُهُ إِيَّاىَ فَقَوْلُهُ إِنِّي لاَ أُعِيدُهُ كَمَا بَدَأْتُهُ وَلَيْسَ آخِرُ الْخَلْقِ بِأَعَزَّ عَلَىَّ مِنْ أَوَّلِهِ وَأَمَّا شَتْمُهُ إِيَّاىَ فَقَوْلُهُ اتَّخَذَ اللَّهُ وَلَدًا وَأَنَا اللَّهُ الأَحَدُ الصَّمَدُ لَمْ أَلِدْ وَلَمْ أُولَدْ وَلَمْ يَكُنْ لِي كُفُوًا أَحَدٌ " .
Abu Hurayra (roziyallohu anhu)dan Rasululloh ﷺ: «Alloh azza va jalla shunday dedi: ‹Odam bolasi Meni yolgʻonchiga chiqardi, holbuki uning Meni yolgʻonchiga chiqarishi durust emas edi. Va Odam bolasi Meni haqorat qildi, holbuki uning Meni haqorat qilishi durust emas edi. Uning Meni yolgʻonchiga chiqarishi — uning: ‹Meni avval yaratganidek qayta tiriltirmaydi›, deganidir. Holbuki, xalqni oxirida qayta yaratish Menga uni avval yaratishdan qiyinroq emas. Uning Meni haqorat qilishi esa — uning: ‹Alloh bola tutdi›, deganidir. Holbuki Men — yakka-yagona, hech kimga muhtoj boʻlmagan Allohman. Men tugʻmadim va tugʻilmadim, Menga teng biror kimsa boʻlmagan›», deb rivoyat qiladi.Абу Ҳурайра (розияллоҳу анҳу)дан Расулуллоҳ ﷺ: «Аллоҳ азза ва жалла шундай деди: ‹Одам боласи Мени ёлғончига чиқарди, ҳолбуки унинг Мени ёлғончига чиқариши дуруст эмас эди. Ва Одам боласи Мени ҳақорат қилди, ҳолбуки унинг Мени ҳақорат қилиши дуруст эмас эди. Унинг Мени ёлғончига чиқариши — унинг: ‹Мени аввал яратганидек қайта тирилтирмайди›, деганидир. Ҳолбуки, халқни охирида қайта яратиш Менга уни аввал яратишдан қийинроқ эмас. Унинг Мени ҳақорат қилиши эса — унинг: ‹Аллоҳ бола тутди›, деганидир. Ҳолбуки Мен — якка-ягона, ҳеч кимга муҳтож бўлмаган Аллоҳман. Мен туғмадим ва туғилмадим, Менга тенг бирор кимса бўлмаган›», деб ривоят қилади.