Abu Hurayra (roziyallohu anhu)dan rivoyat qilinadi: Rasululloh ﷺ: «Ikki ayol oʻzlarining ikki bolasi bilan chiqishdi. Boʻri ulardan birining ustiga hujum qilib, bolasini olib ketdi. Ertasiga ular qolgan bola haqida Dovud alayhissalomga daʼvolashib bordilar. U (bolani) ikkalasidan kattasiga hukm qildi. Soʻng ular Sulaymonning oldidan oʻtdilar. U: ‹Ishingiz qanday boʻldi?› dedi. Ular unga voqeani soʻzlab berdilar. U: ‹Menga pichoq keltiringlar, bolani ikkalangizga boʻlib beray›, dedi. Kichigi: ‹Uni boʻlasanmi?› dedi. U: ‹Ha›, dedi. Shunda kichigi: ‹Unday qilma, mendagi hissam unga boʻlaqolsin›, dedi. U: ‹Bu sening oʻgʻling›, dedi va uni unga hukm qildi», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Икки аёл ўзларининг икки боласи билан чиқишди. Бўри улардан бирининг устига ҳужум қилиб, боласини олиб кетди. Эртасига улар қолган бола ҳақида Довуд алайҳиссаломга даъволашиб бордилар. У (болани) иккаласидан каттасига ҳукм қилди. Сўнг улар Сулаймоннинг олдидан ўтдилар. У: ‹Ишингиз қандай бўлди?› деди. Улар унга воқеани сўзлаб бердилар. У: ‹Менга пичоқ келтиринглар, болани иккалангизга бўлиб берай›, деди. Кичиги: ‹Уни бўласанми?› деди. У: ‹Ҳа›, деди. Шунда кичиги: ‹Ундай қилма, мендаги ҳиссам унга бўлақолсин›, деди. У: ‹Бу сенинг ўғлинг›, деди ва уни унга ҳукм қилди», дедилар.