Uboda ibn Somit (roziyallohu anhu)dan rivoyat qilinadiki, Rasululloh ﷺ atroflarida sahobalaridan bir jamoa boʻlgan holda: «Allohga hech narsani sherik qilmaslik, oʻgʻirlik qilmaslik, zino qilmaslik, farzandlaringizni oʻldirmaslik, qoʻl va oyoqlaringiz orasida oʻzingiz toʻqib chiqargan buhtonni keltirmaslik va yaxshi ishda menga itoatsizlik qilmaslik ustiga menga bayat qilinglar. Bas, kim vafo qilsa, uning ajri Allohning zimmasida. Sizlardan kimki bulardan biror narsani qilib qoʻysa-yu, unga jazo berilsa, bu unga kafforat boʻladi. Kimki bulardan birortasini qilib qoʻysa, soʻng Alloh uni yashirsa, uning ishi Allohga havola: xohlasa, uni afv etadi, xohlasa, jazolaydi», dedilar.Убода ибн Сомит (розияллоҳу анҳу)дан ривоят қилинадики, Расулуллоҳ ﷺ атрофларида саҳобаларидан бир жамоа бўлган ҳолда: «Аллоҳга ҳеч нарсани шерик қилмаслик, ўғирлик қилмаслик, зино қилмаслик, фарзандларингизни ўлдирмаслик, қўл ва оёқларингиз орасида ўзингиз тўқиб чиқарган буҳтонни келтирмаслик ва яхши ишда менга итоатсизлик қилмаслик устига менга баят қилинглар. Бас, ким вафо қилса, унинг ажри Аллоҳнинг зиммасида. Сизлардан кимки булардан бирор нарсани қилиб қўйса-ю, унга жазо берилса, бу унга каффорат бўлади. Кимки булардан бирортасини қилиб қўйса, сўнг Аллоҳ уни яширса, унинг иши Аллоҳга ҳавола: хоҳласа, уни афв этади, хоҳласа, жазолайди», дедилар.