Sahl ibn Abu Hasma (roziyallohu anhu)dan rivoyat qilinadi: Abdulloh ibn Sahl va Muhayyisa ibn Masʼud ibn Zayd Xaybarga kelishdi, oʻsha kunda u yerda sulh bor edi. Ular oʻz ehtiyojlari uchun ajralishdi. Soʻng Muhayyisa Abdulloh ibn Sahlning yoniga keldi, u qoniga belanib oʻldirilgan holda yotardi. U uni koʻmdi, soʻng Madinaga qaytdi. Keyin Abdurrahmon ibn Sahl, Huvayyisa va Muhayyisa Rasululloh ﷺning oldiga borishdi. Abdurrahmon gapirmoqchi boʻldi, holbuki u qavmning eng yoshi edi. Shunda Rasululloh ﷺ: «Kattani (oldin qoʻy)!», dedilar. Bas, u jim boʻldi va ikkovi gapirdi. Rasululloh ﷺ: «Sizlardan ellik marta qasam ichib, hamrohingizning xunini yoki qotilingizni olasizlarmi?», dedilar. Ular: «Yo Rasululloh, biz guvoh boʻlmagan va koʻrmagan boʻlsak, qanday qasam ichamiz?», deyishdi. U zot: «Unda yahudiylar ellik marta qasam ichib, sizlardan xoli boʻlishadi», dedilar. Ular: «Yo Rasululloh, kofir qavmning qasamlarini qanday olamiz?», deyishdi. Shunda Rasululloh ﷺ uning xunini oʻz tomonlaridan toʻladilar.Саҳл ибн Абу Ҳасма (розияллоҳу анҳу)дан ривоят қилинади: Абдуллоҳ ибн Саҳл ва Муҳаййиса ибн Масъуд ибн Зайд Хайбарга келишди, ўша кунда у ерда сулҳ бор эди. Улар ўз эҳтиёжлари учун ажралишди. Сўнг Муҳаййиса Абдуллоҳ ибн Саҳлнинг ёнига келди, у қонига беланиб ўлдирилган ҳолда ётарди. У уни кўмди, сўнг Мадинага қайтди. Кейин Абдурраҳмон ибн Саҳл, Ҳуваййиса ва Муҳаййиса Расулуллоҳ ﷺнинг олдига боришди. Абдурраҳмон гапирмоқчи бўлди, ҳолбуки у қавмнинг энг ёши эди. Шунда Расулуллоҳ ﷺ: «Каттани (олдин қўй)!», дедилар. Бас, у жим бўлди ва иккови гапирди. Расулуллоҳ ﷺ: «Сизлардан эллик марта қасам ичиб, ҳамроҳингизнинг хунини ёки қотилингизни оласизларми?», дедилар. Улар: «Ё Расулуллоҳ, биз гувоҳ бўлмаган ва кўрмаган бўлсак, қандай қасам ичамиз?», дейишди. У зот: «Унда яҳудийлар эллик марта қасам ичиб, сизлардан холи бўлишади», дедилар. Улар: «Ё Расулуллоҳ, кофир қавмнинг қасамларини қандай оламиз?», дейишди. Шунда Расулуллоҳ ﷺ унинг хунини ўз томонларидан тўладилар.