Sahl ibn Abu Hasma (roziyallohu anhu)dan rivoyat qilinadi: Muhayyisa ibn Masʼud va Abdulloh ibn Sahl bir ehtiyoj uchun Xaybarga kelishdi va xurmozorda ajralishdi. Soʻng Abdulloh ibn Sahl oʻldirildi. Uning akasi Abdurrahmon ibn Sahl hamda amakivachchalari Huvayyisa va Muhayyisa Rasululloh ﷺning oldiga kelishdi. Abdurrahmon akasi haqida gapirdi, holbuki u ularning eng yoshi edi. Shunda Rasululloh ﷺ: «Kattani (oldin qoʻy), eng katta boshlasin!», dedilar. Bas, ikkovi hamrohlari haqida gapirishdi. Rasululloh ﷺ maʼnosi shunday boʻlgan bir soʻzni aytdilar: «Sizlardan ellik kishi qasam ichsin». Ular: «Yo Rasululloh, biz guvoh boʻlmagan ishga qanday qasam ichamiz?», deyishdi. U zot: «Unda yahudiylar ulardan ellik kishining qasami bilan sizlardan xoli boʻlishadi», dedilar. Ular: «Yo Rasululloh, ular kofir qavm-ku», deyishdi. Shunda Rasululloh ﷺ uning xunini oʻz tomonlaridan toʻladilar. Sahl aytdi: Men ularning tuya qamaladigan joyiga kirgan edim, oʻsha tuyalardan bir tuya meni tepib yubordi.Саҳл ибн Абу Ҳасма (розияллоҳу анҳу)дан ривоят қилинади: Муҳаййиса ибн Масъуд ва Абдуллоҳ ибн Саҳл бир эҳтиёж учун Хайбарга келишди ва хурмозорда ажралишди. Сўнг Абдуллоҳ ибн Саҳл ўлдирилди. Унинг акаси Абдурраҳмон ибн Саҳл ҳамда амакиваччалари Ҳуваййиса ва Муҳаййиса Расулуллоҳ ﷺнинг олдига келишди. Абдурраҳмон акаси ҳақида гапирди, ҳолбуки у уларнинг энг ёши эди. Шунда Расулуллоҳ ﷺ: «Каттани (олдин қўй), энг катта бошласин!», дедилар. Бас, иккови ҳамроҳлари ҳақида гапиришди. Расулуллоҳ ﷺ маъноси шундай бўлган бир сўзни айтдилар: «Сизлардан эллик киши қасам ичсин». Улар: «Ё Расулуллоҳ, биз гувоҳ бўлмаган ишга қандай қасам ичамиз?», дейишди. У зот: «Унда яҳудийлар улардан эллик кишининг қасами билан сизлардан холи бўлишади», дедилар. Улар: «Ё Расулуллоҳ, улар кофир қавм-ку», дейишди. Шунда Расулуллоҳ ﷺ унинг хунини ўз томонларидан тўладилар. Саҳл айтди: Мен уларнинг туя қамаладиган жойига кирган эдим, ўша туялардан бир туя мени тепиб юборди.