Sahl ibn Abu Hasma (roziyallohu anhu)dan rivoyat qilinadi: U kishi aytdilar: Abdulloh ibn Sahl oʻldirilgan holda topildi. Shunda uning akasi va ikki amakisi Huvayyisa hamda Muhayyisa, ular Abdulloh ibn Sahlning ikki amakisi edilar, Rasululloh ﷺning oldiga kelishdi. Abdurrahmon gapirmoqchi boʻldi, shunda Rasululloh ﷺ: «Kattani, kattani (oldin qoʻy)!», dedilar. Ikkovi: «Yo Rasululloh, biz Abdulloh ibn Sahlni Xaybar quduqlaridan birida oʻldirilgan holda topdik», deyishdi. Nabiy ﷺ: «Kimni gumon qilasizlar?», dedilar. Ular: «Yahudiylarni gumon qilamiz», deyishdi. U zot: «Yahudiylar uni oʻldirdi, deb ellik marta qasam ichasizlarmi?», dedilar. Ular: «Koʻrmagan narsamizga qanday qasam ichamiz?», deyishdi. U zot: «Unda yahudiylar uni oʻldirmadik, deb ellik marta qasam ichib, sizlardan xoli boʻlishadi», dedilar. Ular: «Ular mushrik boʻlsalar, ularning qasamlariga qanday rozi boʻlamiz?», deyishdi. Shunda Rasululloh ﷺ uning xunini oʻz tomonlaridan toʻladilar.Саҳл ибн Абу Ҳасма (розияллоҳу анҳу)дан ривоят қилинади: У киши айтдилар: Абдуллоҳ ибн Саҳл ўлдирилган ҳолда топилди. Шунда унинг акаси ва икки амакиси Ҳуваййиса ҳамда Муҳаййиса, улар Абдуллоҳ ибн Саҳлнинг икки амакиси эдилар, Расулуллоҳ ﷺнинг олдига келишди. Абдурраҳмон гапирмоқчи бўлди, шунда Расулуллоҳ ﷺ: «Каттани, каттани (олдин қўй)!», дедилар. Иккови: «Ё Расулуллоҳ, биз Абдуллоҳ ибн Саҳлни Хайбар қудуқларидан бирида ўлдирилган ҳолда топдик», дейишди. Набий ﷺ: «Кимни гумон қиласизлар?», дедилар. Улар: «Яҳудийларни гумон қиламиз», дейишди. У зот: «Яҳудийлар уни ўлдирди, деб эллик марта қасам ичасизларми?», дедилар. Улар: «Кўрмаган нарсамизга қандай қасам ичамиз?», дейишди. У зот: «Унда яҳудийлар уни ўлдирмадик, деб эллик марта қасам ичиб, сизлардан холи бўлишади», дедилар. Улар: «Улар мушрик бўлсалар, уларнинг қасамларига қандай рози бўламиз?», дейишди. Шунда Расулуллоҳ ﷺ унинг хунини ўз томонларидан тўладилар.