Ibn Abbos (roziyallohu anhumo)dan rivoyat qilinadi: Abdulqays elchilari Rasululloh ﷺ huzurlariga keldilar va: «Biz Rabiʼa qabilasidan boʻlgan bir jamoamiz. Sizga faqat harom oyda yetib kela olamiz. Bizga sizdan olib, ortimizdagilarni chorlaydigan bir narsani buyuring», dedilar. U zot: «Sizlarni toʻrt narsaga buyuraman va toʻrt narsadan qaytaraman: Allohga iymon keltirish», dedilar-da, soʻng buni ularga izohlab: «Allohdan oʻzga iloh yoʻq va men Allohning elchisi ekaniga guvohlik berish, namozni toʻkis ado etish, zakot berish va gʻanimat qilgan narsangizning beshdan birini menga topshirishdir. Sizlarni qovoq idish, yashil koʻza, qatron surtilgan idish va smola surtilgan idishdan (ularda narsa achitishdan) qaytaraman», dedilar.Ибн Аббос (розияллоҳу анҳумо)дан ривоят қилинади: Абдулқайс элчилари Расулуллоҳ ﷺ ҳузурларига келдилар ва: «Биз Рабиъа қабиласидан бўлган бир жамоамиз. Сизга фақат ҳаром ойда етиб кела оламиз. Бизга сиздан олиб, ортимиздагиларни чорлайдиган бир нарсани буюринг», дедилар. У зот: «Сизларни тўрт нарсага буюраман ва тўрт нарсадан қайтараман: Аллоҳга иймон келтириш», дедилар-да, сўнг буни уларга изоҳлаб: «Аллоҳдан ўзга илоҳ йўқ ва мен Аллоҳнинг элчиси эканига гувоҳлик бериш, намозни тўкис адо этиш, закот бериш ва ғанимат қилган нарсангизнинг бешдан бирини менга топширишдир. Сизларни қовоқ идиш, яшил кўза, қатрон суртилган идиш ва смола суртилган идишдан (уларда нарса ачитишдан) қайтараман», дедилар.