Umar ibn al-Xattob (roziyallohu anhu)dan rivoyat qilinadi: U masjid eshigi oldida sotilayotgan ipak yoʻlli hulla koʻrdi-da: «Yo Rasululloh, buni juma kuni uchun va oldingizga elchilar kelganda kiyish uchun sotib olsangiz edi», dedi. Shunda Rasululloh ﷺ: «Buni faqat oxiratda nasibasi yoʻq kishigina kiyadi», dedilar. Keyinroq Rasulullohga ﷺ shunday hullalardan keltirildi va u zot menga ulardan bir hulla kiydirdilar. Men: «Yo Rasululloh, siz bu haqda aytadiganingizni aytgan edingiz, endi buni menga kiydirdingizmi?» dedim. Nabiy ﷺ: «Men buni senga kiyishing uchun bermadim, balki uni birovga kiydirishing yoki sotishing uchun berdim», dedilar. Shunda Umar uni onasi tomonidan boʻlgan mushrik akasiga kiydirdi.Умар ибн ал-Хаттоб (розияллоҳу анҳу)дан ривоят қилинади: У масжид эшиги олдида сотилаётган ипак йўлли ҳулла кўрди-да: «Ё Расулуллоҳ, буни жума куни учун ва олдингизга элчилар келганда кийиш учун сотиб олсангиз эди», деди. Шунда Расулуллоҳ ﷺ: «Буни фақат охиратда насибаси йўқ кишигина кияди», дедилар. Кейинроқ Расулуллоҳга ﷺ шундай ҳуллалардан келтирилди ва у зот менга улардан бир ҳулла кийдирдилар. Мен: «Ё Расулуллоҳ, сиз бу ҳақда айтадиганингизни айтган эдингиз, энди буни менга кийдирдингизми?» дедим. Набий ﷺ: «Мен буни сенга кийишинг учун бермадим, балки уни бировга кийдиришинг ёки сотишинг учун бердим», дедилар. Шунда Умар уни онаси томонидан бўлган мушрик акасига кийдирди.