- وعنه قال: جاء ناس إلى النبي صلى الله عليه وسلم أن ابعث معنا رجالا يعلمونا القرآن والسنة فبعث إليهم سبعين رجلا من الأنصار يقال لهم: القراء، فيهم خالي حرام، يقرءون القرآن ويتدارسونه بالليل يتعلمون، وكانوا بالنهار يجيئون بالماء فيضعونه في المسجد، ويحتطبون فيبيعونه، ويشترون به الطعام لأهل الصفة، وللفقراء فبعثهم صلى الله عليه وسلم فعرضوا لهم فقتلوهم قبل أن يبلغوا المكان، فقالوا: اللهم بلغ عنا نبينا أن قد لقيناك فرضينا عنك ورضيت عنا، وأتى رجل حراما خال أنس من خلف فطعنه برمح حتى أنفذه، فقال حرام: فزت ورب الكعبة، فقال رسول الله صلى الله عليه وسلم "إن إخوانكم قد قتلوا وإنهم قالوا: اللهم بلغ عنا نبينا أنا قد لقيناك فرضينا عنك ورضيت عنا" ((متفق عليه وهذا لفظ مسلم)).
Anas (roziyallohu anhu)dan rivoyat qilinadi: Baʼzi odamlar Nabiy ﷺ huzuriga kelib: «Biz bilan birga bizga Qurʼon va Sunnatni oʻrgatadigan kishilarni yuboring», dedilar. U zot ansorlardan qori deb ataluvchi yetmish kishini yubordilar. Ular orasida togʻam Harom ham bor edi. Ular kechasi Qurʼon oʻqir, uni oʻzaro mudorasa qilib oʻrganardilar, kunduzi esa suv keltirib masjidga qoʻyar, oʻtin terib sotar va uning puliga ahli Suffa hamda kambagʻallar uchun taom sotib olardilar. Nabiy ﷺ ularni yubordilar. (Mushriklar) ular manzilga yetib bormasidan ularga hujum qilib, oʻldirdilar. Shunda ular: «Allohim, Paygʻambarimizga yetkazgin, biz Senga yoʻliqdik, Sendan rozi boʻldik va Sen ham bizdan rozi boʻlding», dedilar. Bir kishi Anasning togʻasi Haromga orqa tomondan kelib, uni nayza bilan sanchdi, hatto nayza (badanini) teshib oʻtdi. Harom: «Kaʼbaning Robbiga qasamki, murodimga yetdim!» dedi. Rasululloh ﷺ: «Birodarlaringiz shahid qilindilar. Ular: ‹Allohim, Paygʻambarimizga yetkazgin, biz Senga yoʻliqdik, Sendan rozi boʻldik va Sen ham bizdan rozi boʻlding› dedilar», dedilar.Анас (розияллоҳу анҳу)дан ривоят қилинади: Баъзи одамлар Набий ﷺ ҳузурига келиб: «Биз билан бирга бизга Қуръон ва Суннатни ўргатадиган кишиларни юборинг», дедилар. У зот ансорлардан қори деб аталувчи етмиш кишини юбордилар. Улар орасида тоғам Ҳаром ҳам бор эди. Улар кечаси Қуръон ўқир, уни ўзаро мудораса қилиб ўрганардилар, кундузи эса сув келтириб масжидга қўяр, ўтин териб сотар ва унинг пулига аҳли Суффа ҳамда камбағаллар учун таом сотиб олардилар. Набий ﷺ уларни юбордилар. (Мушриклар) улар манзилга етиб бормасидан уларга ҳужум қилиб, ўлдирдилар. Шунда улар: «Аллоҳим, Пайғамбаримизга етказгин, биз Сенга йўлиқдик, Сендан рози бўлдик ва Сен ҳам биздан рози бўлдинг», дедилар. Бир киши Анаснинг тоғаси Ҳаромга орқа томондан келиб, уни найза билан санчди, ҳатто найза (баданини) тешиб ўтди. Ҳаром: «Каъбанинг Роббига қасамки, муродимга етдим!» деди. Расулуллоҳ ﷺ: «Биродарларингиз шаҳид қилиндилар. Улар: ‹Аллоҳим, Пайғамбаримизга етказгин, биз Сенга йўлиқдик, Сендан рози бўлдик ва Сен ҳам биздан рози бўлдинг› дедилар», дедилар.