Hisham ibn Hakim ibn Hizom (roziyallohu anhu)dan rivoyat qilinadi: U Shomda anbotlardan (arab boʻlmagan dehqonlardan) boʻlgan bir necha kishining oldidan oʻtib qoldi. Ular quyoshda tik turgʻizib qoʻyilgan, boshlariga zaytun yogʻi quyilgan edi. U: «Bu nima?» dedi. (Aytildiki:) ular xiroj tufayli azoblanmoqda — boshqa rivoyatda: jizya tufayli hibsga olingan. Shunda Hisham: «Guvohlik beramanki, men Rasululloh ﷺning: ‹Albatta Alloh dunyoda odamlarni azoblaydiganlarni azoblaydi›, deb aytayotganlarini eshitganman», dedi. Soʻng amirning huzuriga kirib, unga (bu hadisni) soʻzlab berdi. Amir esa ularni (ozod qilishga) buyurdi va ular qoʻyib yuborildi.Ҳишам ибн Ҳаким ибн Ҳизом (розияллоҳу анҳу)дан ривоят қилинади: У Шомда анботлардан (араб бўлмаган деҳқонлардан) бўлган бир неча кишининг олдидан ўтиб қолди. Улар қуёшда тик турғизиб қўйилган, бошларига зайтун ёғи қуйилган эди. У: «Бу нима?» деди. (Айтилдики:) улар хирож туфайли азобланмоқда — бошқа ривоятда: жизя туфайли ҳибсга олинган. Шунда Ҳишам: «Гувоҳлик бераманки, мен Расулуллоҳ ﷺнинг: ‹Албатта Аллоҳ дунёда одамларни азоблайдиганларни азоблайди›, деб айтаётганларини эшитганман», деди. Сўнг амирнинг ҳузурига кириб, унга (бу ҳадисни) сўзлаб берди. Амир эса уларни (озод қилишга) буюрди ва улар қўйиб юборилди.