- وعنه قال: سمعت رسول الله صلى الله عليه وسلم يقول: " إن أول الناس يقضى يوم القيامة عليه رجل اسُتشهد، فأتي به، فعرفه نعمته، فعرفها، قال: فما عملت فيها؟ قال: قاتلت فيك حتى اسُتشهدت، قال: كذبت، ولكنك قاتلت لأن يقال: جريء، فقد قيل، ثم أمر به، فسحب على وجهه حتى ألقي في النار. ورجل تعلم العلم وعلمه، وقرأ القرآن، فأتي به، فعرفه نعمه فعرفها. قال فما عملت فيها؟ قال تعلمت العلم وعلمته وقرأت فيك القرآن. قال كذبت، ولكنك تعلمت ليقال: عالم. وقرأت القرآن ليقال: هو قارئ، فقد قيل: ثم أُمر به، فسُحب على وجهه حتى ألقي في النار، ورجل وسع الله عليه، وأعطاه من أصناف المال، فأتي به فعرفه نعمه، فعرفها. قال: فما عملت فيها ؟ قال: ما تركت من سبيل تحب أن ينفق فيها إلا أنفقت فيها لك، قال: كذبت، ولكنك فعلت ليقال: جواد، فقد قيل، ثم أُمر به فسُحب على وجهه ثم ألقي في النار" ((رواه مسلم)). جَريء بفتح الجيم وكسر الراء وبالمد، أي: شجاع حاذق
Abu Hurayra (roziyallohu anhu)dan rivoyat qilinadi: «Odamlar Abu Hurayraning atrofidan tarqaldilar. Shunda Shom ahlidan boʻlgan Notil unga: ‹Ey shayx! Bizga Rasululloh ﷺ dan eshitgan bir hadisni aytib ber›, dedi. (Abu Hurayra): ‹Ha, men Rasululloh ﷺ ning shunday deganlarini eshitganman: Qiyomat kuni odamlardan birinchi boʻlib hukm chiqariladigani shahid boʻlgan kishidir. U keltiriladi va (Alloh) unga Oʻz neʼmatlarini tanitadi, u ham ularni taniydi. (Alloh): «Bu (neʼmatlar) borasida nima qilding?» deydi. U: «Sening (yoʻling) uchun shahid boʻlgunimcha jang qildim», deydi. (Alloh): «Yolgʻon aytding! Sen ‹botir› deyilishi uchun jang qilding, bas, (shunday) deyildi ham», deydi. Soʻng (Alloh) uning haqida amr beradi va u yuztuban sudralib, doʻzaxga tashlanadi. Yana bir kishi — ilm oʻrgangan, uni (boshqalarga) oʻrgatgan va Qurʼon oʻqigan kishi — keltiriladi va (Alloh) unga Oʻz neʼmatlarini tanitadi, u ham ularni taniydi. (Alloh): «Bu borada nima qilding?» deydi. U: «Ilm oʻrgandim, uni oʻrgatdim va Sening (yoʻling) uchun Qurʼon oʻqidim», deydi. (Alloh): «Yolgʻon aytding! Sen ‹olim› deyilishi uchun ilm oʻrganding, ‹u qori› deyilishi uchun Qurʼon oʻqiding, bas, (shunday) deyildi ham», deydi. Soʻng (Alloh) uning haqida amr beradi va u yuztuban sudralib, doʻzaxga tashlanadi. Yana bir kishi — Alloh unga (rizqni) keng qilib bergan va har turdagi moldan ato etgan kishi — keltiriladi va (Alloh) unga Oʻz neʼmatlarini tanitadi, u ham ularni taniydi. (Alloh): «Bu borada nima qilding?» deydi. U: «Sen sarflanishini suygan hech bir yoʻlni qoldirmay, undan Sening (yoʻling) uchun sarfladim», deydi. (Alloh): «Yolgʻon aytding! Sen ‹u saxiy› deyilishi uchun shunday qilding, bas, (shunday) deyildi ham», deydi. Soʻng (Alloh) uning haqida amr beradi va u yuztuban sudraladi, soʻng doʻzaxga tashlanadi›, dedi».Абу Ҳурайра (розияллоҳу анҳу)дан ривоят қилинади: «Одамлар Абу Ҳурайранинг атрофидан тарқалдилар. Шунда Шом аҳлидан бўлган Нотил унга: ‹Эй шайх! Бизга Расулуллоҳ ﷺ дан эшитган бир ҳадисни айтиб бер›, деди. (Абу Ҳурайра): ‹Ҳа, мен Расулуллоҳ ﷺ нинг шундай деганларини эшитганман: Қиёмат куни одамлардан биринчи бўлиб ҳукм чиқариладигани шаҳид бўлган кишидир. У келтирилади ва (Аллоҳ) унга Ўз неъматларини танитади, у ҳам уларни танийди. (Аллоҳ): «Бу (неъматлар) борасида нима қилдинг?» дейди. У: «Сенинг (йўлинг) учун шаҳид бўлгунимча жанг қилдим», дейди. (Аллоҳ): «Ёлғон айтдинг! Сен ‹ботир› дейилиши учун жанг қилдинг, бас, (шундай) дейилди ҳам», дейди. Сўнг (Аллоҳ) унинг ҳақида амр беради ва у юзтубан судралиб, дўзахга ташланади. Яна бир киши — илм ўрганган, уни (бошқаларга) ўргатган ва Қуръон ўқиган киши — келтирилади ва (Аллоҳ) унга Ўз неъматларини танитади, у ҳам уларни танийди. (Аллоҳ): «Бу борада нима қилдинг?» дейди. У: «Илм ўргандим, уни ўргатдим ва Сенинг (йўлинг) учун Қуръон ўқидим», дейди. (Аллоҳ): «Ёлғон айтдинг! Сен ‹олим› дейилиши учун илм ўргандинг, ‹у қори› дейилиши учун Қуръон ўқидинг, бас, (шундай) дейилди ҳам», дейди. Сўнг (Аллоҳ) унинг ҳақида амр беради ва у юзтубан судралиб, дўзахга ташланади. Яна бир киши — Аллоҳ унга (ризқни) кенг қилиб берган ва ҳар турдаги молдан ато этган киши — келтирилади ва (Аллоҳ) унга Ўз неъматларини танитади, у ҳам уларни танийди. (Аллоҳ): «Бу борада нима қилдинг?» дейди. У: «Сен сарфланишини суйган ҳеч бир йўлни қолдирмай, ундан Сенинг (йўлинг) учун сарфладим», дейди. (Аллоҳ): «Ёлғон айтдинг! Сен ‹у сахий› дейилиши учун шундай қилдинг, бас, (шундай) дейилди ҳам», дейди. Сўнг (Аллоҳ) унинг ҳақида амр беради ва у юзтубан судралади, сўнг дўзахга ташланади›, деди».