Ahmad ibn Hanbal, Abul Mugʻiyradan, u Abdulloh ibn al-Aʼlodan, u Abu Ziyoda Ubaydulloh ibn Ziyod al-Kindiydan, u Bilol (roziyallohu anhu)dan rivoyat qiladiki, u (Bilol) Rasululloh ﷺni bomdod namoziga chaqirish uchun keldi. Shunda Oisha (roziyallohu anho) Bilolni oʻzi soʻragan bir ish bilan band qilib qoʻydi, hattoki tong yorishib, kun ancha yorugʻ boʻlib ketdi. (Roviy) aytdi: Soʻng Bilol turib, u zotni namozga chaqirdi va azonini takror aytdi, lekin Rasululloh ﷺ chiqmadilar. Chiqqanlarida odamlarga namoz oʻqib berdilar, u (Bilol) esa Oisha oʻzi soʻragan bir ish bilan uni band qilib qoʻyganini, shu sabab kun ancha yorishib ketganini va u zotning huzurlariga chiqishi kechikkanini xabar berdi. Shunda u zot: «Men bomdodning ikki rakaatini oʻqiyotgan edim», dedilar. U: «Yo Rasululloh, siz kunni ancha yorishib ketgan paytda (oʻqib) qoldingiz-ku», dedi. U zot: «Agar kunni hozirgidan ham koʻproq yorishgan paytda qolganimda ham, men u ikki rakaatni oʻqir, ularni chiroyli va goʻzal qilib bajarar edim», dedilar.Аҳмад ибн Ҳанбал, Абул Муғийрадан, у Абдуллоҳ ибн ал-Аълодан, у Абу Зиёда Убайдуллоҳ ибн Зиёд ал-Киндийдан, у Билол (розияллоҳу анҳу)дан ривоят қиладики, у (Билол) Расулуллоҳ ﷺни бомдод намозига чақириш учун келди. Шунда Оиша (розияллоҳу анҳо) Билолни ўзи сўраган бир иш билан банд қилиб қўйди, ҳаттоки тонг ёришиб, кун анча ёруғ бўлиб кетди. (Ровий) айтди: Сўнг Билол туриб, у зотни намозга чақирди ва азонини такрор айтди, лекин Расулуллоҳ ﷺ чиқмадилар. Чиққанларида одамларга намоз ўқиб бердилар, у (Билол) эса Оиша ўзи сўраган бир иш билан уни банд қилиб қўйганини, шу сабаб кун анча ёришиб кетганини ва у зотнинг ҳузурларига чиқиши кечикканини хабар берди. Шунда у зот: «Мен бомдоднинг икки ракаатини ўқиётган эдим», дедилар. У: «Ё Расулуллоҳ, сиз кунни анча ёришиб кетган пайтда (ўқиб) қолдингиз-ку», деди. У зот: «Агар кунни ҳозиргидан ҳам кўпроқ ёришган пайтда қолганимда ҳам, мен у икки ракаатни ўқир, уларни чиройли ва гўзал қилиб бажарар эдим», дедилар.