Maʼn ibn Yazid (roziyallohu anhu)dan rivoyat qilinadi: Mening bobom, otam va men Rasululloh ﷺ ga bayʼat berdik. Paygʻambar ﷺ meni unashtirdilar (qiz koʻrsatdilar) va keyin uylantirdilar. Bir kuni men Paygʻambar ﷺ ga bir shikoyat bilan bordim. Otam Yazid sadaqa uchun baʼzi oltin (tangalar)ni olib, ularni masjiddagi bir kishining oldida (kambagʻallarga berishi uchun) qoldirgan edi. Lekin men borib, ularni olib, otamga keltirdim. Otam: ‹Allohga qasamki, men ularni senga (berishni) niyat qilmadim›, — dedi. Men (bu masalani) Rasululloh ﷺ ga olib bordim. Shunda Rasululloh ﷺ: ‹Ey Yazid, sen niyat qilgan (savob)ing senga (beriladi); ey Maʼn, sen olgan narsa seniki›, — dedilar.Маън ибн Язид (розияллоҳу анҳу)дан ривоят қилинади: Менинг бобом, отам ва мен Расулуллоҳ ﷺ га байъат бердик. Пайғамбар ﷺ мени унаштирдилар (қиз кўрсатдилар) ва кейин уйлантирдилар. Бир куни мен Пайғамбар ﷺ га бир шикоят билан бордим. Отам Язид садақа учун баъзи олтин (тангалар)ни олиб, уларни масжиддаги бир кишининг олдида (камбағалларга бериши учун) қолдирган эди. Лекин мен бориб, уларни олиб, отамга келтирдим. Отам: ‹Аллоҳга қасамки, мен уларни сенга (беришни) ният қилмадим›, — деди. Мен (бу масалани) Расулуллоҳ ﷺ га олиб бордим. Шунда Расулуллоҳ ﷺ: ‹Эй Язид, сен ният қилган (савоб)инг сенга (берилади); эй Маън, сен олган нарса сеники›, — дедилар.