Hishom ibn Hakim ibn Hizom

حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا حَفْصُ بْنُ غِيَاثٍ، عَنْ هِشَامِ بْنِ عُرْوَةَ، عَنْ أَبِيهِ، عَنْ هِشَامِ بْنِ حَكِيمِ بْنِ حِزَامٍ، قَالَ مَرَّ بِالشَّامِ عَلَى أُنَاسٍ وَقَدْ أُقِيمُوا فِي الشَّمْسِ وَصُبَّ عَلَى رُءُوسِهِمُ الزَّيْتُ فَقَالَ مَا هَذَا قِيلَ يُعَذَّبُونَ فِي الْخَرَاجِ ‏.‏ فَقَالَ أَمَا إِنِّي سَمِعْتُ رَسُولَ اللَّهِ صلى الله عليه وسلم يَقُولُ ‏"‏ إِنَّ اللَّهَ يُعَذِّبُ الَّذِينَ يُعَذِّبُونَ فِي الدُّنْيَا ‏"‏ ‏.‏

Hishom ibn Hakim ibn Hizom (roziyallohu anhu)dan rivoyat qilinadi: u Shomda quyoshda turgʻazib qoʻyilgan va boshlariga moy quyilgan bir necha kishilarning yonidan oʻtdi va: «Bu nima?» dedi. «Xiroj (soliq toʻlamagani) uchun azoblanyaptilar», deyildi. Shunda u: «Ammo men Rasululloh ﷺ ning shunday deyayotganlarini eshitganman: ‹Albatta, Alloh dunyoda (odamlarni) azoblaydiganlarni azoblaydi›», dedi.Ҳишом ибн Ҳаким ибн Ҳизом (розияллоҳу анҳу)дан ривоят қилинади: у Шомда қуёшда турғазиб қўйилган ва бошларига мой қуйилган бир неча кишиларнинг ёнидан ўтди ва: «Бу нима?» деди. «Хирож (солиқ тўламагани) учун азобланяптилар», дейилди. Шунда у: «Аммо мен Расулуллоҳ ﷺ нинг шундай деяётганларини эшитганман: ‹Албатта, Аллоҳ дунёда (одамларни) азоблайдиганларни азоблайди›», деди.

حَدَّثَنَا أَبُو كُرَيْبٍ، حَدَّثَنَا أَبُو أُسَامَةَ، عَنْ هِشَامٍ، عَنْ أَبِيهِ، قَالَ مَرَّ هِشَامُ بْنُ حَكِيمِ بْنِ حِزَامٍ عَلَى أُنَاسٍ مِنَ الأَنْبَاطِ بِالشَّامِ قَدْ أُقِيمُوا فِي الشَّمْسِ فَقَالَ مَا شَأْنُهُمْ قَالُوا حُبِسُوا فِي الْجِزْيَةِ ‏.‏ فَقَالَ هِشَامٌ أَشْهَدُ لَسَمِعْتُ رَسُولَ اللَّهِ صلى الله عليه وسلم يَقُولُ ‏"‏ إِنَّ اللَّهَ يُعَذِّبُ الَّذِينَ يُعَذِّبُونَ النَّاسَ فِي الدُّنْيَا ‏"‏ ‏.‏

Hishom ibn Hakim ibn Hizom (roziyallohu anhu)dan rivoyat qilinadi: u Shomda anbotlardan (savdogar dehqonlardan) boʻlgan bir guruh odamlarning yonidan oʻtib qoldi. Ular quyoshda (joziya undirish uchun) tik turgʻizib qoʻyilgan edi. (Hishom): «Bularga nima boʻldi?» dedi. (Odamlar): «Bular joziya (toʻlamagani) uchun ushlab turilibdi», dedilar. Shunda Hishom: «Men guvohlik beramanki, Rasululloh ﷺ ning: ‹Albatta, Alloh dunyoda odamlarni azoblaganlarni azoblaydi›, — deb aytganlarini eshitganman», dedi.Ҳишом ибн Ҳаким ибн Ҳизом (розияллоҳу анҳу)дан ривоят қилинади: у Шомда анботлардан (савдогар деҳқонлардан) бўлган бир гуруҳ одамларнинг ёнидан ўтиб қолди. Улар қуёшда (жозия ундириш учун) тик турғизиб қўйилган эди. (Ҳишом): «Буларга нима бўлди?» деди. (Одамлар): «Булар жозия (тўламагани) учун ушлаб турилибди», дедилар. Шунда Ҳишом: «Мен гувоҳлик бераманки, Расулуллоҳ ﷺ нинг: ‹Албатта, Аллоҳ дунёда одамларни азоблаганларни азоблайди›, — деб айтганларини эшитганман», деди.

حَدَّثَنَا أَبُو كُرَيْبٍ، حَدَّثَنَا وَكِيعٌ، وَأَبُو مُعَاوِيَةَ ح وَحَدَّثَنَا إِسْحَاقُ بْنُ إِبْرَاهِيمَ، أَخْبَرَنَا جَرِيرٌ، كُلُّهُمْ عَنْ هِشَامٍ، بِهَذَا الإِسْنَادِ وَزَادَ فِي حَدِيثِ جَرِيرٍ قَالَ وَأَمِيرُهُمْ يَوْمَئِذٍ عُمَيْرُ بْنُ سَعْدٍ عَلَى فِلَسْطِينَ فَدَخَلَ عَلَيْهِ فَحَدَّثَهُ فَأَمَرَ بِهِمْ فَخُلُّوا ‏.‏

Hishom ibn Hakim ibn Hizom (roziyallohu anhu)dan rivoyat qilinadi: «Oʻsha kunlari ularning amiri Falastinda Umayr ibn Saʼd edi. (Hishom) uning huzuriga kirib, unga (bu hadisni) aytib berdi. Shunda u (ular toʻgʻrisida) buyruq berib, ular qoʻyib yuborildi».Ҳишом ибн Ҳаким ибн Ҳизом (розияллоҳу анҳу)дан ривоят қилинади: «Ўша кунлари уларнинг амири Фаластинда Умайр ибн Саъд эди. (Ҳишом) унинг ҳузурига кириб, унга (бу ҳадисни) айтиб берди. Шунда у (улар тўғрисида) буйруқ бериб, улар қўйиб юборилди».

حَدَّثَنِي أَبُو الطَّاهِرِ، أَخْبَرَنَا ابْنُ وَهْبٍ، أَخْبَرَنِي يُونُسُ، عَنِ ابْنِ شِهَابٍ، عَنْ عُرْوَةَ، بْنِ الزُّبَيْرِ أَنَّ هِشَامَ بْنَ حَكِيمٍ، وَجَدَ رَجُلاً وَهُوَ عَلَى حِمْصَ يُشَمِّسُ نَاسًا مِنَ النَّبَطِ فِي أَدَاءِ الْجِزْيَةِ فَقَالَ مَا هَذَا إِنِّي سَمِعْتُ رَسُولَ اللَّهِ صلى الله عليه وسلم يَقُولُ ‏"‏ إِنَّ اللَّهَ يُعَذِّبُ الَّذِينَ يُعَذِّبُونَ النَّاسَ فِي الدُّنْيَا ‏"‏ ‏.‏

Hishom ibn Hakim ibn Hizom (roziyallohu anhu)dan rivoyat qilinadi: u Himsda hokim boʻlgan bir kishini nabotlardan (boʻlgan) bir guruh odamlarni joziya toʻlovi (uchun) quyoshda azoblayotgan holda topdi. Shunda (Hishom): «Bu nima? Men Rasululloh ﷺ ning: ‹Albatta, Alloh dunyoda odamlarni azoblaganlarni azoblaydi›, — deb aytganlarini eshitganman», dedi.Ҳишом ибн Ҳаким ибн Ҳизом (розияллоҳу анҳу)дан ривоят қилинади: у Ҳимсда ҳоким бўлган бир кишини наботлардан (бўлган) бир гуруҳ одамларни жозия тўлови (учун) қуёшда азоблаётган ҳолда топди. Шунда (Ҳишом): «Бу нима? Мен Расулуллоҳ ﷺ нинг: ‹Албатта, Аллоҳ дунёда одамларни азоблаганларни азоблайди›, — деб айтганларини эшитганман», деди.