Ikrima mavlo ibn Abbos

حَدَّثَنَا مُحَمَّدٍ قَالَ‏:‏ أخبرنا الْفَضْلُ بْنُ مُقَاتِلٍ، قَالَ‏:‏ حَدَّثَنَا يَزِيدُ بْنُ أَبِي حَكِيمٍ، عَنِ الْحَكَمِ قَالَ‏:‏ سَمِعْتُ عِكْرِمَةَ يَقُولُ‏:‏ لاَ أَدْرِي أَيُّهُمَا جَعَلَ لِصَاحِبِهِ طَعَامًا، ابْنُ عَبَّاسٍ أَوِ ابْنُ عَمِّهِ، فَبَيْنَا الْجَارِيَةُ تَعْمَلُ بَيْنَ أَيْدِيهِمْ، إِذْ قَالَ أَحَدُهُمْ لَهَا‏:‏ يَا زَانِيَةُ، فَقَالَ‏:‏ مَهْ، إِنْ لَمْ تَحُدَّكَ فِي الدُّنْيَا تَحُدُّكَ فِي الْآخِرَةِ، قَالَ‏:‏ أَفَرَأَيْتَ إِنْ كَانَ كَذَاكَ‏؟‏ قَالَ‏:‏ إِنَّ اللَّهَ لاَ يُحِبُّ الْفَاحِشَ الْمُتَفَحِّشَ‏.‏

Ikrima (rahimahulloh)dan rivoyat qilinadi: «Ularning qaysi biri — Ibn Abbosmi yoki uning amakivachchasimi — oʻz sheriklariga taom bergan edi, bilmayman. Bir joriya ularning oldida ish qilib yurar edi. Shunda ulardan biri unga: ‹Ey zinokor!› — dedi. Boshqasi esa: ‹Sekin! Agar u dunyoda senga hadd jazosini qoʻllatmasa, oxiratda senga qoʻllatadi›, dedi. Haligi kishi: ‹Aytgin-chi, agar men aytgan gap rost boʻlsa-chi?› — dedi. U: ‹Albatta, Alloh behayolik qiluvchi, behayolikni oshkor qilib yuruvchi kishini yoqtirmaydi›, dedi».Икрима (раҳимаҳуллоҳ)дан ривоят қилинади: «Уларнинг қайси бири — Ибн Аббосми ёки унинг амакиваччасими — ўз шерикларига таом берган эди, билмайман. Бир жория уларнинг олдида иш қилиб юрар эди. Шунда улардан бири унга: ‹Эй зинокор!› — деди. Бошқаси эса: ‹Секин! Агар у дунёда сенга ҳадд жазосини қўллатмаса, охиратда сенга қўллатади›, деди. Ҳалиги киши: ‹Айтгин-чи, агар мен айтган гап рост бўлса-чи?› — деди. У: ‹Албатта, Аллоҳ беҳаёлик қилувчи, беҳаёликни ошкор қилиб юрувчи кишини ёқтирмайди›, деди».

حَدَّثَنَا الصَّلْتُ، قَالَ‏:‏ حَدَّثَنَا أَبُو عَوَانَةَ، عَنْ سِمَاكٍ، عَنْ عِكْرِمَةَ، عَنْ عَائِشَةَ رَضِيَ اللَّهُ عَنْهَا، أَنَّهُ سَمِعَهُ مِنْهَا، أَنَّهَا رَأَتِ النَّبِيَّ صلى الله عليه وسلم يَدْعُو رَافِعًا يَدَيْهِ يَقُولُ‏:‏ اللَّهُمَّ إِنَّمَا أَنَا بَشَرٌ فَلاَ تُعَاقِبْنِي، أَيُّمَا رَجُلٌ مِنَ الْمُؤْمِنِينَ آذَيْتُهُ أَوْ شَتَمْتُهُ فَلا تُعَاقِبْنِي فِيهِ‏.‏

Oisha (roziyallohu anho)dan rivoyat qilinadi: U Nabiy ﷺni qoʻllarini koʻtargan holda: «Ey Allohim, men faqatgina bir insonman, bas meni jazolamagin. Mominlardan qaysi bir kishiga ozor bergan yoki uni haqoratlagan boʻlsam, buning uchun meni jazolamagin», deb duo qilayotganlarini koʻrdi.Оиша (розияллоҳу анҳо)дан ривоят қилинади: У Набий ﷺни қўлларини кўтарган ҳолда: «Эй Аллоҳим, мен фақатгина бир инсонман, бас мени жазоламагин. Моминлардан қайси бир кишига озор берган ёки уни ҳақоратлаган бўлсам, бунинг учун мени жазоламагин», деб дуо қилаётганларини кўрди.