Jundab al-Bajaliy

حَدَّثَنَا عُبَيْدُ اللَّهِ بْنُ مُعَاذٍ، حَدَّثَنَا أَبِي، حَدَّثَنَا شُعْبَةُ، عَنِ الأَسْوَدِ، سَمِعَ جُنْدَبًا الْبَجَلِيَّ، قَالَ شَهِدْتُ رَسُولَ اللَّهِ صلى الله عليه وسلم صَلَّى يَوْمَ أَضْحًى ثُمَّ خَطَبَ فَقَالَ ‏"‏ مَنْ كَانَ ذَبَحَ قَبْلَ أَنْ يُصَلِّيَ فَلْيُعِدْ مَكَانَهَا وَمَنْ لَمْ يَكُنْ ذَبَحَ فَلْيَذْبَحْ بِاسْمِ اللَّهِ ‏"‏ ‏.‏

Jundab al-Bajaliy (roziyallohu anhu)dan rivoyat qilinadi: Men Rasululloh ﷺ ning Qurbon kuni namoz oʻqiganlarini, soʻng xutba aytganlarini koʻrdim. U zot: «Kimki namoz oʻqishidan oldin soʻygan boʻlsa, uning oʻrniga qaytadan soʻysin. Kimki hali soʻymagan boʻlsa, Allohning nomi bilan soʻysin», — dedilar.Жундаб ал-Бажалий (розияллоҳу анҳу)дан ривоят қилинади: Мен Расулуллоҳ ﷺ нинг Қурбон куни намоз ўқиганларини, сўнг хутба айтганларини кўрдим. У зот: «Кимки намоз ўқишидан олдин сўйган бўлса, унинг ўрнига қайтадан сўйсин. Кимки ҳали сўймаган бўлса, Аллоҳнинг номи билан сўйсин», — дедилар.

حَدَّثَنَا مُحَمَّدُ بْنُ الْمُثَنَّى، وَابْنُ، بَشَّارٍ قَالاَ حَدَّثَنَا مُحَمَّدُ بْنُ جَعْفَرٍ، حَدَّثَنَا شُعْبَةُ، بِهَذَا الإِسْنَادِ مِثْلَهُ ‏.‏

Jundab al-Bajaliy (roziyallohu anhu)dan rivoyat qilinadi: bu hadis yana boshqa isnod bilan xuddi shunga oʻxshash rivoyat qilingan.Жундаб ал-Бажалий (розияллоҳу анҳу)дан ривоят қилинади: бу ҳадис яна бошқа иснод билан худди шунга ўхшаш ривоят қилинган.

حَدَّثَنَا ابْنُ أَبِي عُمَرَ، حَدَّثَنَا سُفْيَانُ بْنُ عُيَيْنَةَ، عَنِ الأَسْوَدِ بْنِ قَيْسٍ، عَنْ جُنْدَبٍ الْبَجَلِيِّ، قَالَ كُنْتُ مَعَ النَّبِيِّ صلى الله عليه وسلم فِي غَارٍ فَدَمِيَتْ أُصْبُعُهُ فَقَالَ النَّبِيُّ صلى الله عليه وسلم ‏"‏ هَلْ أَنْتِ إِلاَّ إِصْبَعٌ دَمِيتِ وَفِي سَبِيلِ اللَّهِ مَا لَقِيتِ ‏"‏ ‏.‏ قَالَ وَأَبْطَأَ عَلَيْهِ جِبْرِيلُ عَلَيْهِ السَّلاَمُ فَقَالَ الْمُشْرِكُونَ قَدْ وُدِّعَ مُحَمَّدٌ فَأَنْزَلَ اللَّهُ تَعَالَى ‏:‏ ‏(‏ ما وَدَّعَكَ رَبُّكَ وَمَا قَلَى ‏)‏ ‏.‏ قَالَ أَبُو عِيسَى هَذَا حَدِيثٌ حَسَنٌ صَحِيحٌ وَقَدْ رَوَاهُ شُعْبَةُ وَالثَّوْرِيُّ عَنِ الأَسْوَدِ بْنِ قَيْسٍ ‏.‏

Jundab al-Bajaliy (roziyallohu anhu) aytadi: Men Nabiy ﷺ bilan bir gʻorda edim. Shunda u zotning barmoqlari qonadi. Nabiy ﷺ: «Sen qonagan bir barmoqdan boshqa narsa emassan, koʻrgan narsang esa Alloh yoʻlidadir», dedilar. (Rovi) aytdi: Jibril (alayhissalom) (vahiy bilan) kechikdi. Shunda mushriklar: «Muhammadni (Robbisi) tark etibdi», deyishdi. Bas, Alloh taolo: {Robbing seni tark etgani ham, (senga) gʻazab qilgani ham yoʻq} (Zuho 3), deb nozil qildi. Abu Iso aytdi: Bu hadis hasan sahihdir. Uni Shuʼba va Savriy ham al-Asvad ibn Qaysdan rivoyat qilganlar.Жундаб ал-Бажалий (розияллоҳу анҳу) айтади: Мен Набий ﷺ билан бир ғорда эдим. Шунда у зотнинг бармоқлари қонади. Набий ﷺ: «Сен қонаган бир бармоқдан бошқа нарса эмассан, кўрган нарсанг эса Аллоҳ йўлидадир», дедилар. (Рови) айтди: Жибрил (алайҳиссалом) (ваҳий билан) кечикди. Шунда мушриклар: «Муҳаммадни (Роббиси) тарк этибди», дейишди. Бас, Аллоҳ таоло: {Роббинг сени тарк этгани ҳам, (сенга) ғазаб қилгани ҳам йўқ} (Зуҳо 3), деб нозил қилди. Абу Исо айтди: Бу ҳадис ҳасан саҳиҳдир. Уни Шуъба ва Саврий ҳам ал-Асвад ибн Қайсдан ривоят қилганлар.

حَدَّثَنَا هِشَامُ بْنُ عَمَّارٍ، حَدَّثَنَا سُفْيَانُ بْنُ عُيَيْنَةَ، عَنِ الأَسْوَدِ بْنِ قَيْسٍ، عَنْ جُنْدَبٍ الْبَجَلِيِّ، أَنَّهُ سَمِعَهُ يَقُولُ شَهِدْتُ الأَضْحَى مَعَ رَسُولِ اللَّهِ ـ صلى الله عليه وسلم ـ فَذَبَحَ أُنَاسٌ قَبْلَ الصَّلاَةِ فَقَالَ النَّبِيُّ ـ صلى الله عليه وسلم ـ ‏"‏ مَنْ كَانَ ذَبَحَ مِنْكُمْ قَبْلَ الصَّلاَةِ فَلْيُعِدْ أُضْحِيَّتَهُ وَمَنْ لاَ فَلْيَذْبَحْ عَلَى اسْمِ اللَّهِ ‏"‏ ‏.‏

Jundab al-Bajaliy (roziyallohu anhu)dan rivoyat qilinadi: Men Rasululloh ﷺ bilan birga Adho hayitida hozir boʻldim. Baʼzi kishilar namozdan oldin (qurbonlik) soʻyishdi. Shunda Paygʻambar ﷺ: «Sizlardan kim namozdan oldin soʻygan boʻlsa, qurbonligini qaytadan soʻysin, kim soʻymagan boʻlsa, Allohning nomi bilan soʻysin», dedilar.Жундаб ал-Бажалий (розияллоҳу анҳу)дан ривоят қилинади: Мен Расулуллоҳ ﷺ билан бирга Адҳо ҳайитида ҳозир бўлдим. Баъзи кишилар намоздан олдин (қурбонлик) сўйишди. Шунда Пайғамбар ﷺ: «Сизлардан ким намоздан олдин сўйган бўлса, қурбонлигини қайтадан сўйсин, ким сўймаган бўлса, Аллоҳнинг номи билан сўйсин», дедилар.