حَدَّثَنَا أَبُو إِسْحَاقَ الشَّافِعِيُّ، إِبْرَاهِيمُ بْنُ مُحَمَّدِ بْنِ الْعَبَّاسِ حَدَّثَنَا سُفْيَانُ، عَنْ عَمْرٍو، سَمِعَ كُرَيْبًا، يَقُولُ سَمِعْتُ ابْنَ عَبَّاسٍ، يَقُولُ بِتُّ عِنْدَ خَالَتِي مَيْمُونَةَ فَقَامَ النَّبِيُّ ـ صلى الله عليه وسلم ـ فَتَوَضَّأَ مِنْ شَنَّةٍ وُضُوءًا يُقَلِّلُهُ فَقُمْتُ فَصَنَعْتُ كَمَا صَنَعَ .
Ibn Abbos (roziyallohu anhumo)dan rivoyat qilinadi: Xolam Maymuna huzurida tunab qoldim. Paygʻambar ﷺ oʻrinlaridan turib, eski meshdan oz suv bilan tahorat qildilar. Men ham turib, u zot qilganidek qildim.Ибн Аббос (розияллоҳу анҳумо)дан ривоят қилинади: Холам Маймуна ҳузурида тунаб қолдим. Пайғамбар ﷺ ўринларидан туриб, эски мешдан оз сув билан таҳорат қилдилар. Мен ҳам туриб, у зот қилганидек қилдим.
حَدَّثَنَا إِبْرَاهِيمُ بْنُ الْمُنْذِرِ الْحِزَامِيُّ، حَدَّثَنَا بَكْرُ بْنُ سُلَيْمٍ، حَدَّثَنِي حُمَيْدُ بْنُ زِيَادٍ الْخَرَّاطُ، عَنْ كُرَيْبٍ، مَوْلَى عَبْدِ اللَّهِ بْنِ عَبَّاسٍ قَالَ هَلَكَ ابْنٌ لِعَبْدِ اللَّهِ بْنِ عَبَّاسٍ فَقَالَ لِي يَا كُرَيْبُ قُمْ فَانْظُرْ هَلِ اجْتَمَعَ لاِبْنِي أَحَدٌ فَقُلْتُ نَعَمْ . فَقَالَ وَيْحَكَ كَمْ تَرَاهُمْ؟ أَرْبَعِينَ؟ قُلْتُ: لاَ. بَلْ هُمْ أَكْثَرُ . قَالَ: فَاخْرُجُوا بِابْنِي فَأَشْهَدُ لَسَمِعْتُ رَسُولَ اللَّهِ ـ صلى الله عليه وسلم ـ يَقُولُ " مَا مِنْ أَرْبَعِينَ مِنْ مُؤْمِنٍ يَشْفَعُونَ لِمُؤْمِنٍ إِلاَّ شَفَّعَهُمُ اللَّهُ " .
Abdulloh ibn Abbos (roziyallohu anhumo)dan rivoyat qilinadi: Uning bir oʻgʻli vafot etdi. U menga: «Ey Kurayb, turgin-da, oʻgʻlimga (janoza oʻqishga) biror kishi toʻplandimi, qarab kel», dedi. Men: «Ha», dedim. U: «Voy, ularni nechta koʻryapsan? Qirqtami?» dedi. Men: «Yoʻq, balki ular koʻproq», dedim. U: «Oʻgʻlimni (janozaga) olib chiqinglar. Guvohlik beramanki, men Rasululloh ﷺ: ‹Qaysi bir moʻminga qirqta moʻmin (janoza oʻqib) shafoat qilsalar, Alloh ularning shafoatini albatta qabul qiladi›, deganlarini eshitganman», dedi.Абдуллоҳ ибн Аббос (розияллоҳу анҳумо)дан ривоят қилинади: Унинг бир ўғли вафот этди. У менга: «Эй Курайб, тургин-да, ўғлимга (жаноза ўқишга) бирор киши тўпландими, қараб кел», деди. Мен: «Ҳа», дедим. У: «Вой, уларни нечта кўряпсан? Қирқтами?» деди. Мен: «Йўқ, балки улар кўпроқ», дедим. У: «Ўғлимни (жанозага) олиб чиқинглар. Гувоҳлик бераманки, мен Расулуллоҳ ﷺ: ‹Қайси бир мўминга қирқта мўмин (жаноза ўқиб) шафоат қилсалар, Аллоҳ уларнинг шафоатини албатта қабул қилади›, деганларини эшитганман», деди.