حَدَّثَنَا إِسْمَاعِيلُ قَالَ: حَدَّثَنِي مَالِكٌ، عَنْ سَعِيدٍ الْمَقْبُرِيِّ، عَنْ أَبِي شُرَيْحٍ الْكَعْبِيِّ، أَنَّ رَسُولَ اللهِ صلى الله عليه وسلم قَالَ: مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ، وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ جَائِزَتَهُ يَوْمٌ وَلَيْلَةٌ. وَالضِّيَافَةُ ثَلاَثَةُ أَيَّامٍ، فَمَا بَعْدَ ذَلِكَ فَهُوَ صَدَقَةٌ، وَلاَ يَحِلُّ لَهُ أَنْ يَثْوِيَ عِنْدَهُ حَتَّى يُحْرِجَهُ.
(Abu Shurayh al-Kaʼbiy (roziyallohu anhu) rivoyat qilishicha,) Rasululloh ﷺ: «Kim Allohga va oxirat kuniga iymon keltirsa, mehmonini izzat qilsin; uning joizasi (alohida mehmondorchiligi) — bir kun va bir kecha, mehmondorchilik (esa) uch kun; bundan keyingisi esa unga (qilingan) sadaqadir. (Mehmonning) uning (xonadon egasining) oldida — uni qiyin ahvolda qoldiradigan (darajada) — turib qolishi halol emas» dedilar. (Boshqa sanad bilan shunga oʻxshashi (rivoyat qilindi) va roviy ziyoda qildi: «Kim Allohga va oxirat kuniga iymon keltirsa, yaxshi (soʻz) aytsin yoki jim tursin».)(Абу Шурайҳ ал-Каъбий (розияллоҳу анҳу) ривоят қилишича,) Расулуллоҳ ﷺ: «Ким Аллоҳга ва охират кунига иймон келтирса, меҳмонини иззат қилсин; унинг жоизаси (алоҳида меҳмондорчилиги) — бир кун ва бир кеча, меҳмондорчилик (эса) уч кун; бундан кейингиси эса унга (қилинган) садақадир. (Меҳмоннинг) унинг (хонадон эгасининг) олдида — уни қийин аҳволда қолдирадиган (даражада) — туриб қолиши ҳалол эмас» дедилар. (Бошқа санад билан шунга ўхшаши (ривоят қилинди) ва ровий зиёда қилди: «Ким Аллоҳга ва охират кунига иймон келтирса, яхши (сўз) айцин ёки жим турсин».)
حَدَّثَنَا أَحْمَدُ بْنُ يَعْقُوبَ، قَالَ: حَدَّثَنَا يَزِيدُ بْنُ الْمِقْدَامِ بْنِ شُرَيْحِ بْنِ هَانِئٍ الْحَارِثِيُّ، عَنْ أَبِيهِ الْمِقْدَامِ، عَنْ شُرَيْحِ بْنِ هَانِئٍ قَالَ: حَدَّثَنِي هَانِئُ بْنُ يَزِيدَ، أَنَّهُ لَمَّا وَفَدَ إِلَى النَّبِيِّ صلى الله عليه وسلم مَعَ قَوْمِهِ، فَسَمِعَهُمُ النَّبِيُّ صلى الله عليه وسلم وَهُمْ يُكَنُّونَهُ بِأَبِي الْحَكَمِ، فَدَعَاهُ النَّبِيُّ صلى الله عليه وسلم فَقَالَ: إِنَّ اللَّهَ هُوَ الْحَكَمُ، وَإِلَيْهِ الْحُكْمُ، فَلِمَ تَكَنَّيْتَ بِأَبِي الْحَكَمِ؟ قَالَ: لاَ، وَلَكِنَّ قَوْمِي إِذَا اخْتَلَفُوا فِي شَيْءٍ أَتَوْنِي فَحَكَمْتُ بَيْنَهُمْ، فَرَضِيَ كِلاَ الْفَرِيقَيْنِ، قَالَ: مَا أَحْسَنَ هَذَا، ثُمَّ قَالَ: مَا لَكَ مِنَ الْوَلَدِ؟ قُلْتُ: لِي شُرَيْحٌ، وَعَبْدُ اللهِ، وَمُسْلِمٌ، بَنُو هَانِئٍ، قَالَ: فَمَنْ أَكْبَرُهُمْ؟ قُلْتُ: شُرَيْحٌ، قَالَ: فَأَنْتَ أَبُو شُرَيْحٍ، وَدَعَا لَهُ وَوَلَدِهِ.
Honiʼ ibn Yazid (roziyallohu anhu)dan rivoyat qilinadi: U oʻz qavmi bilan Rasululloh ﷺ huzurlariga elchi boʻlib kelganida, ular uni Abul-Hakam kunyasi bilan chaqirayotganlarini eshitdilar. Shunda Rasululloh ﷺ uni chaqirib: «Albatta, Alloh — Hakamdir (hukm qiluvchidir) va hukm ham Unga xosdir. Sen nega Abul-Hakam deb kunya olgansan?» dedilar. U: «Qavmim biror narsada ixtilof qilsalar, oldimga kelishadi, men ular orasida hukm chiqaraman, ikkala tomon ham rozi boʻladi», dedi. Rasululloh ﷺ: «Bu naqadar yaxshi (ish)! Senda qanday farzandlar bor?» dedilar. U: «Shurayh, Muslim va Abdulloh», dedi. (Rasululloh ﷺ): «Ularning eng kattasi qaysisi?» dedilar. Men: «Shurayh», dedim. (U zot): «Unday boʻlsa, sen Abu Shurayhsan», dedilar. Abu Dovud aytadi: Bu Shurayh — zanjirni sindirgan kishidir va u Tustarga kirganlardandir. Abu Dovud aytadi: Menga yetishicha, Shurayh Tustar darvozasini sindirgan, chunki u (yer ostidagi) lahimdan kirgan edi.Ҳониъ ибн Язид (розияллоҳу анҳу)дан ривоят қилинади: У ўз қавми билан Расулуллоҳ ﷺ ҳузурларига элчи бўлиб келганида, улар уни Абул-Ҳакам куняси билан чақираётганларини эшитдилар. Шунда Расулуллоҳ ﷺ уни чақириб: «Албатта, Аллоҳ — Ҳакамдир (ҳукм қилувчидир) ва ҳукм ҳам Унга хосдир. Сен нега Абул-Ҳакам деб куня олгансан?» дедилар. У: «Қавмим бирор нарсада ихтилоф қилсалар, олдимга келишади, мен улар орасида ҳукм чиқараман, иккала томон ҳам рози бўлади», деди. Расулуллоҳ ﷺ: «Бу нақадар яхши (иш)! Сенда қандай фарзандлар бор?» дедилар. У: «Шурайҳ, Муслим ва Абдуллоҳ», деди. (Расулуллоҳ ﷺ): «Уларнинг энг каттаси қайсиси?» дедилар. Мен: «Шурайҳ», дедим. (У зот): «Ундай бўлса, сен Абу Шурайҳсан», дедилар. Абу Довуд айтади: Бу Шурайҳ — занжирни синдирган кишидир ва у Тустарга кирганлардандир. Абу Довуд айтади: Менга етишича, Шурайҳ Тустар дарвозасини синдирган, чунки у (ер остидаги) лаҳимдан кирган эди.
حَدَّثَنَا مُحَمَّدُ بْنُ كَثِيرٍ، قَالَ: أَخْبَرَنَا سُلَيْمَانُ بْنُ كَثِيرٍ، عَنْ حُصَيْنٍ، عَنِ الشَّعْبِيِّ، أَنَّهُ لَقِيَ فَارِسًا فَبَدَأَهُ بِالسَّلاَمِ، فَقُلْتُ: تَبْدَأُهُ بِالسَّلاَمِ؟ قَالَ: رَأَيْتُ شُرَيْحًا مَاشِيًا يَبْدَأُ بِالسَّلامِ.
Shaʼbiy (rahimahulloh)dan rivoyat qilinadi: U bir otliqni uchratib qoldi va unga birinchi boʻlib salom berdi. (Kimdir undan): ‹Unga oʻzing birinchi salom berayapsanmi?› deb soʻradi. U: ‹Men Shurayhning piyoda yurgan holida birinchi boʻlib salom berayotganini koʻrganman›, dedi.Шаъбий (раҳимаҳуллоҳ)дан ривоят қилинади: У бир отлиқни учратиб қолди ва унга биринчи бўлиб салом берди. (Кимдир ундан): ‹Унга ўзинг биринчи салом бераяпсанми?› деб сўради. У: ‹Мен Шурайҳнинг пиёда юрган ҳолида биринчи бўлиб салом бераётганини кўрганман›, деди.