حَدَّثَنَا سُفْيَانُ بْنُ وَكِيعٍ، قَالَ: حَدَّثَنَا جُمَيْعُ بْنُ عُمَرَ بْنِ عَبْدِ الرَّحْمَنِ الْعِجْلِيُّ، قَالَ: أَنْبَأَنَا رَجُلٌ مِنْ بَنِي تَمِيمٍ مِنْ وَلَدِ أَبِي هَالَةَ زَوْجِ خَدِيجَةَ، وَيُكْنَى أَبَا عَبْدِ اللهِ، عَنِ ابْنٍ لأَبِي هَالَةَ، عَنِ الْحَسَنِ بْنِ عَلِيٍّ، قَالَ: قَالَ الْحُسَيْنُ: سَأَلْتُ أَبي عَنْ سِيرَةِ النَّبِيِّ صلى الله عليه وسلم، فِي جُلَسَائِهِ، فَقَالَ: كَانَ رَسُولُ اللهِ صلى الله عليه وسلم، دَائِمَ الْبِشْرِ، سَهْلَ الْخُلُقِ، لَيِّنَ الْجَانِبِ، لَيْسَ بِفَظٍّ وَلا غَلِيظٍ، وَلا صَخَّابٍ وَلا فَحَّاشٍ، وَلا عَيَّابٍ وَلا مُشَاحٍ، يَتَغَافَلُ عَمَّا لا يَشْتَهِي، وَلا يُؤْيِسُ مِنْهُ رَاجِيهِ وَلا يُخَيَّبُ فِيهِ، قَدْ تَرَكَ نَفْسَهُ مِنْ ثَلاثٍ: الْمِرَاءِ، وَالإِكْثَارِ، وَمَا لا يَعْنِيهِ، وَتَرَكَ النَّاسَ مِنْ ثَلاثٍ: كَانَ لا يَذُمُّ أَحَدًا، وَلا يَعِيبُهُ، وَلا يَطْلُبُ عَوْرتَهُ، وَلا يَتَكَلَّمُ إِلا فِيمَا رَجَا ثَوَابَهُ، وَإِذَا تَكَلَّمَ أَطْرَقَ جُلَسَاؤُهُ، كَأَنَّمَا عَلَى رُؤُوسِهِمُ الطَّيْرُ، فَإِذَا سَكَتَ تَكَلَّمُوا لا يَتَنَازَعُونَ عِنْدَهُ الْحَدِيثَ، وَمَنْ تَكَلَّمَ عِنْدَهُ أَنْصَتُوا لَهُ حَتَّى يَفْرُغَ، حَدِيثُهُمْ عِنْدَهُ حَدِيثُ أَوَّلِهِمْ، يَضْحَكُ مِمَّا يَضْحَكُونَ مِنْهُ، وَيَتَعَجَّبُ مِمَّا يَتَعَجَّبُونَ مِنْهُ، وَيَصْبِرُ لِلْغَرِيبِ عَلَى الْجَفْوَةِ فِي مَنْطِقِهِ وَمَسْأَلَتِهِ، حَتَّى إِنْ كَانَ أَصْحَابُهُ، وَيَقُولُ: إِذَا رَأَيْتُمْ طَالِبَ حَاجَةٍ يِطْلُبُهَا فَأَرْفِدُوهُ، وَلا يَقْبَلُ الثَّنَاءَ إِلا مِنْ مُكَافِئٍ وَلا يَقْطَعُ عَلَى أَحَدٍ حَدِيثَهُ حَتَّى يَجُوزَ فَيَقْطَعُهُ بِنَهْيٍ أَوْ قِيَامٍ.
Husayn ibn Ali (roziyallohu anhu)dan rivoyat qilinadi: Men otamdan Nabiy ﷺning majlisdoshlari orasida oʻzlarini qanday tutishlari haqida soʻradim. U dedi: «Rasululloh ﷺ doimo xushchaqchaq, muloyim tabiatli, yumshoq koʻngil edilar. Qoʻpol ham, dagʻal ham, baqiroq ham, behayo soʻz aytuvchi ham, ayblovchi ham, xasis ham emas edilar. Oʻzi yoqtirmagan narsaga eʼtibor bermas, biroq (biror narsani) undan umid qilgan kishini noumid qilmas va u haqda umidini uzmas edilar. Oʻzlarini uch narsadan tiygan edilar: bahs-tortishuvdan, soʻzni koʻpaytirishdan va oʻzlariga aloqasi boʻlmagan narsadan. Odamlarga nisbatan ham uch narsani tark etgan edilar: hech kimni yomonlamas, aybini qidirmas edilar; faqat savobiga umid qilingan narsa haqidagina soʻzlar edilar. U zot soʻzlaganlarida, majlisdoshlari boshlari uzra qush qoʻngandek jim qotib qolar edilar; u zot jim boʻlganlarida soʻzlashar edilar. U zotning huzurida soʻz talashmas edilar. Kim u zotning oldida soʻzlasa, gapini tugatguncha jim eshitar edilar. Musofirning soʻzlashi va soʻrashidagi qoʻpolligiga sabr qilar edilar. U zot: ‹Hojatmand kishi hojatini soʻrab kelganini koʻrsangiz, unga yordam beringlar›, der edilar. Maqtovni faqat unga munosib tarzda javob qaytara oladigan kishidan qabul qilar edilar. Hech kimning gapini, u soʻzini tugatmaguncha boʻlmas edilar; balki uni kerak boʻlsa qaytarish yoki oʻrinlaridan turish bilan yakunlar edilar.»Ҳусайн ибн Али (розияллоҳу анҳу)дан ривоят қилинади: Мен отамдан Набий ﷺнинг мажлисдошлари орасида ўзларини қандай тутишлари ҳақида сўрадим. У деди: «Расулуллоҳ ﷺ доимо хушчақчақ, мулойим табиатли, юмшоқ кўнгил эдилар. Қўпол ҳам, дағал ҳам, бақироқ ҳам, беҳаё сўз айтувчи ҳам, айбловчи ҳам, хасис ҳам эмас эдилар. Ўзи ёқтирмаган нарсага эътибор бермас, бироқ (бирор нарсани) ундан умид қилган кишини ноумид қилмас ва у ҳақда умидини узмас эдилар. Ўзларини уч нарсадан тийган эдилар: баҳс-тортишувдан, сўзни кўпайтиришдан ва ўзларига алоқаси бўлмаган нарсадан. Одамларга нисбатан ҳам уч нарсани тарк этган эдилар: ҳеч кимни ёмонламас, айбини қидирмас эдилар; фақат савобига умид қилинган нарса ҳақидагина сўзлар эдилар. У зот сўзлаганларида, мажлисдошлари бошлари узра қуш қўнгандек жим қотиб қолар эдилар; у зот жим бўлганларида сўзлашар эдилар. У зотнинг ҳузурида сўз талашмас эдилар. Ким у зотнинг олдида сўзласа, гапини тугатгунча жим эшитар эдилар. Мусофирнинг сўзлаши ва сўрашидаги қўполлигига сабр қилар эдилар. У зот: ‹Ҳожатманд киши ҳожатини сўраб келганини кўрсангиз, унга ёрдам беринглар›, дер эдилар. Мақтовни фақат унга муносиб тарзда жавоб қайтара оладиган кишидан қабул қилар эдилар. Ҳеч кимнинг гапини, у сўзини тугатмагунча бўлмас эдилар; балки уни керак бўлса қайтариш ёки ўринларидан туриш билан якунлар эдилар.»