Anas ibn Molik (roziyallohu anhu)dan rivoyat qilinadiki, Abdurahmon ibn Avf Nabiy ﷺ ning huzurlariga hijrat qildi. U zot uni Saʼd ibn Rabiʼ bilan birodar qildilar. Saʼd unga: «Ey Abdurahmon, men ansorlarning eng boyiman, molimni sen bilan boʻlishaman. Mening ikki xotinim bor, birini taloq qilaman; iddasi tugagach, unga uylanasan», dedi. Abdurahmon unga: «Alloh senga ahling va moling borasida baraka bersin. Lekin menga bozorni koʻrsat», dedi. Unga bozorni koʻrsatishdi. U foyda qildi va oʻsha kuni bir oz sariyogʻ bilan quruq qurt topmagunicha qaytmadi. Shu holda bir necha kun oʻtdi. Soʻng Nabiy ﷺ uning yonidan oʻtib, unda sargʻish (xushboʻylik) izini koʻrdilar va: «Bu nima?» dedilar. U: «Uylandim, yo Rasululloh», dedi. U zot: «Kimga?» dedilar. U: «Ansorlardan bir ayolga», dedi. U zot: «Mahr qilib nima berding?» dedilar. U: «Bir danak yoki bir danak ogʻirligicha oltin», dedi. Shunda u zot: «Bir qoʻy bilan boʻlsa ham valima qil», dedilar.Анас ибн Молик (розияллоҳу анҳу)дан ривоят қилинадики, Абдураҳмон ибн Авф Набий ﷺ нинг ҳузурларига ҳижрат қилди. У зот уни Саъд ибн Рабиъ билан биродар қилдилар. Саъд унга: «Эй Абдураҳмон, мен ансорларнинг энг бойиман, молимни сен билан бўлишаман. Менинг икки хотиним бор, бирини талоқ қиламан; иддаси тугагач, унга уйланасан», деди. Абдураҳмон унга: «Аллоҳ сенга аҳлинг ва молинг борасида барака берсин. Лекин менга бозорни кўрсат», деди. Унга бозорни кўрсатишди. У фойда қилди ва ўша куни бир оз сариёғ билан қуруқ қурт топмагунича қайтмади. Шу ҳолда бир неча кун ўтди. Сўнг Набий ﷺ унинг ёнидан ўтиб, унда сарғиш (хушбўйлик) изини кўрдилар ва: «Бу нима?» дедилар. У: «Уйландим, ё Расулуллоҳ», деди. У зот: «Кимга?» дедилар. У: «Ансорлардан бир аёлга», деди. У зот: «Маҳр қилиб нима бердинг?» дедилар. У: «Бир данак ёки бир данак оғирлигича олтин», деди. Шунда у зот: «Бир қўй билан бўлса ҳам валима қил», дедилар.