حَدَّثَنَا ابْنُ أَبِي عَدِيٍّ، عَنْ حُمَيْدٍ، عَنْ أَنَسٍ، أَنَّ عَبْدَ اللَّهِ بْنَ سَلَامٍ أَتَى رَسُولَ اللَّهِ صَلَّى اللهُ عَلَيْهِ وَسَلَّمَ مَقْدَمَهُ الْمَدِينَةَ فَقَالَ: يَا رَسُولَ اللَّهِ، إِنِّي سَائِلُكَ عَنْ ثَلَاثِ خِصَالٍ لَا يَعْلَمُهُنَّ إِلَّا نَبِيٌّ. قَالَ: «سَلْ». قَالَ: مَا أَوَّلُ أَشْرَاطِ السَّاعَةِ؟ وَمَا أَوَّلُ مَا يَأْكُلُ مِنْهُ أَهْلُ الْجَنَّةِ؟ وَمِنْ أَيْنَ يُشْبِهُ الْوَلَدُ أَبَاهُ وَأُمَّهُ؟ فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «أَخْبَرَنِي بِهِنَّ جِبْرِيلُ عَلَيْهِ السَّلَامُ آنِفًا». قَالَ: ذَلِكَ عَدُوُّ الْيَهُودِ مِنَ الْمَلَائِكَةِ. قَالَ: «أَمَّا أَوَّلُ أَشْرَاطِ السَّاعَةِ فَنَارٌ تَخْرُجُ مِنَ الْمَشْرِقِ فَتَحْشُرُ النَّاسَ إِلَى الْمَغْرِبِ. وَأَمَّا أَوَّلُ مَا يَأْكُلُ مِنْهُ أَهْلُ الْجَنَّةِ فَزِيَادَةُ كَبِدِ حُوتٍ. وَأَمَّا شَبَهُ الْوَلَدِ أَبَاهُ وَأُمَّهُ، فَإِذَا سَبَقَ مَاءُ الرَّجُلِ مَاءَ الْمَرْأَةِ نَزَعَ إِلَيْهِ الْوَلَدُ، وَإِذَا سَبَقَ مَاءُ الْمَرْأَةِ مَاءَ الرَّجُلِ نَزَعَ إِلَيْهَا». قَالَ: أَشْهَدُ أَنْ لَا إِلَهَ إِلَّا اللَّهُ وَأَنَّكَ رَسُولُ اللَّهِ. وَقَالَ: يَا رَسُولَ اللَّهِ، إِنَّ الْيَهُودَ قَوْمٌ بُهْتٌ، وَإِنَّهُمْ إِنْ يَعْلَمُوا بِإِسْلَامِي يَبْهَتُونِي عِنْدَكَ، فَأَرْسِلْ إِلَيْهِمْ فَاسْأَلْهُمْ عَنِّي. فَأَرْسَلَ إِلَيْهِمْ فَقَالَ: «أَيُّ رَجُلٍ عَبْدُ اللَّهِ بْنُ سَلَامٍ فِيكُمْ؟» قَالُوا: خَيْرُنَا وَابْنُ خَيْرِنَا، وَعَالِمُنَا وَابْنُ عَالِمِنَا، وَأَفْقَهُنَا وَابْنُ أَفْقَهِنَا. قَالَ: «أَرَأَيْتُمْ إِنْ أَسْلَمَ تُسْلِمُونَ؟» قَالُوا: أَعَاذَهُ اللَّهُ مِنْ ذَلِكَ. فَخَرَجَ ابْنُ سَلَامٍ فَقَالَ: أَشْهَدُ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ. قَالُوا: شَرُّنَا وَابْنُ شَرِّنَا، وَجَاهِلُنَا وَابْنُ جَاهِلِنَا. فَقَالَ ابْنُ سَلَامٍ: هَذَا الَّذِي كُنْتُ أَتَخَوَّفُ مِنْكُمْ.
Anas (roziyallohu anhu)dan rivoyat qilinadi: Abdulloh ibn Salom Rasululloh ﷺ Madinaga kelganlarida u zotning huzurlariga keldi va: «Ey Allohning Rasuli, men sizdan uch narsa haqida soʻrayman, ularni faqat nabiygina biladi», dedi. U zot: «Soʻra», dedilar. U: «Qiyomatning birinchi alomati nima? Jannat ahli birinchi boʻlib nimadan yeydi? Farzand nimadan otasiga yoki onasiga oʻxshaydi?» dedi. Rasululloh ﷺ: «Bularni menga hozirgina Jibril alayhissalom xabar berdi», dedilar. U: «U — farishtalar ichida yahudiylarning dushmani boʻlgan (zot)», dedi. U zot: «Qiyomatning birinchi alomatiga kelsak, u mashriqdan chiqib, odamlarni magʻribga toʻplaydigan olovdir. Jannat ahli birinchi boʻlib yeydigan narsa esa baliq jigarining ortiqcha (boʻlagi)dir. Farzandning otasiga yoki onasiga oʻxshashiga kelsak, agar erkakning suvi ayolning suvidan oʻzib ketsa, farzand unga tortadi; agar ayolning suvi erkakning suvidan oʻzib ketsa, farzand unga tortadi», dedilar. U: «Ashhadu an la ilaha illalloh va annaka Rasululloh», dedi. Soʻng: «Ey Allohning Rasuli, yahudiylar bugʻtonchi qavmdir. Agar ular mening Islomga kirganimni bilsalar, huzuringizda menga bugʻton qiladilar. Ularga (odam) yuboring va mening haqimda soʻrang», dedi. Bas, u zot ularga (odam) yubordilar va: «Abdulloh ibn Salom sizlarning oranglarda qanday kishi?» dedilar. Ular: «Bizning eng yaxshimiz va eng yaxshimizning oʻgʻli, olimimiz va olimimizning oʻgʻli, eng fahmlimiz va eng fahmlimizning oʻgʻli», dedilar. U zot: «Aytinglar-chi, agar u Islomga kirsa, sizlar ham kirasizmi?» dedilar. Ular: «Alloh uni bundan asrasin», dedilar. Shunda Ibn Salom chiqib: «Ashhadu an la ilaha illalloh va anna Muhammadan Rasululloh», dedi. Ular: «Bizning eng yomonimiz va eng yomonimizning oʻgʻli, johilimiz va johilimizning oʻgʻli», dedilar. Ibn Salom: «Men sizlardan mana shundan qoʻrqar edim», dedi.Анас (розияллоҳу анҳу)дан ривоят қилинади: Абдуллоҳ ибн Салом Расулуллоҳ ﷺ Мадинага келганларида у зотнинг ҳузурларига келди ва: «Эй Аллоҳнинг Расули, мен сиздан уч нарса ҳақида сўрайман, уларни фақат набийгина билади», деди. У зот: «Сўра», дедилар. У: «Қиёматнинг биринчи аломати нима? Жаннат аҳли биринчи бўлиб нимадан ейди? Фарзанд нимадан отасига ёки онасига ўхшайди?» деди. Расулуллоҳ ﷺ: «Буларни менга ҳозиргина Жибрил алайҳиссалом хабар берди», дедилар. У: «У — фаришталар ичида яҳудийларнинг душмани бўлган (зот)», деди. У зот: «Қиёматнинг биринчи аломатига келсак, у машриқдан чиқиб, одамларни мағрибга тўплайдиган оловдир. Жаннат аҳли биринчи бўлиб ейдиган нарса эса балиқ жигарининг ортиқча (бўлаги)дир. Фарзанднинг отасига ёки онасига ўхшашига келсак, агар эркакнинг суви аёлнинг сувидан ўзиб кетса, фарзанд унга тортади; агар аёлнинг суви эркакнинг сувидан ўзиб кетса, фарзанд унга тортади», дедилар. У: «Ашҳаду ан ла илаҳа иллаллоҳ ва аннака Расулуллоҳ», деди. Сўнг: «Эй Аллоҳнинг Расули, яҳудийлар буғтончи қавмдир. Агар улар менинг Исломга кирганимни билсалар, ҳузурингизда менга буғтон қиладилар. Уларга (одам) юборинг ва менинг ҳақимда сўранг», деди. Бас, у зот уларга (одам) юбордилар ва: «Абдуллоҳ ибн Салом сизларнинг орангларда қандай киши?» дедилар. Улар: «Бизнинг энг яхшимиз ва энг яхшимизнинг ўғли, олимимиз ва олимимизнинг ўғли, энг фаҳмлимиз ва энг фаҳмлимизнинг ўғли», дедилар. У зот: «Айтинглар-чи, агар у Исломга кирса, сизлар ҳам кирасизми?» дедилар. Улар: «Аллоҳ уни бундан асрасин», дедилар. Шунда Ибн Салом чиқиб: «Ашҳаду ан ла илаҳа иллаллоҳ ва анна Муҳаммадан Расулуллоҳ», деди. Улар: «Бизнинг энг ёмонимиз ва энг ёмонимизнинг ўғли, жоҳилимиз ва жоҳилимизнинг ўғли», дедилар. Ибн Салом: «Мен сизлардан мана шундан қўрқар эдим», деди.