Anas (roziyallohu anhu)dan rivoyat qilinadi: Anasning ammasi Rubayyiʼ bir joriyaning oldingi tishini sindirdi. (Uning ahli) qavmdan afvni soʻradi, ammo ular bosh tortdilar. Soʻng Rasululloh ﷺning huzurlariga keldilar, u zot: «Qasos (qilinadi)», dedilar. Anas ibn Nazr: «Ey Allohning Rasuli, falonchining tishi sindiriladimi?» dedi. Rasululloh ﷺ: «Ey Anas, Allohning Kitobi (hukmi) — qasosdir», dedilar. (Anas) dedi: Shunda u: «Seni haq bilan yuborgan Zotga qasamki, falonchining tishi sindirilmaydi», dedi. (Anas) dedi: Bas, qavm rozi boʻldi, afv qildi va qasosni tark etdi. Shunda Rasululloh ﷺ: «Albatta Allohning bandalari ichida shunday (kishi)lar borki, agar ular Alloh (nomi) bilan qasam ichsa, U albatta ularning qasamini rost chiqaradi», dedilar.Анас (розияллоҳу анҳу)дан ривоят қилинади: Анаснинг аммаси Рубаййиъ бир жориянинг олдинги тишини синдирди. (Унинг аҳли) қавмдан афвни сўради, аммо улар бош тортдилар. Сўнг Расулуллоҳ ﷺнинг ҳузурларига келдилар, у зот: «Қасос (қилинади)», дедилар. Анас ибн Назр: «Эй Аллоҳнинг Расули, фалончининг тиши синдириладими?» деди. Расулуллоҳ ﷺ: «Эй Анас, Аллоҳнинг Китоби (ҳукми) — қасосдир», дедилар. (Анас) деди: Шунда у: «Сени ҳақ билан юборган Зотга қасамки, фалончининг тиши синдирилмайди», деди. (Анас) деди: Бас, қавм рози бўлди, афв қилди ва қасосни тарк этди. Шунда Расулуллоҳ ﷺ: «Албатта Аллоҳнинг бандалари ичида шундай (киши)лар борки, агар улар Аллоҳ (номи) билан қасам ичса, У албатта уларнинг қасамини рост чиқаради», дедилар.