Abu Hurayra (roziyallohu anhu) rivoyat qiladi: Rasululloh ﷺ: «Agar ummatimga mashaqqat boʻlib qolishidan (qoʻrqmaganimda) edi, ularni har bir namoz oldidan misvok (tishlarini tozalash)ga buyurar edim», dedilar. Abu Iso aytdi: Bu hadisni Muhammad ibn Ishoq ham Muhammad ibn Ibrohimdan, (u) Abu Salamadan, (u) Zayd ibn Xoliddan, (u) Paygʻambar ﷺ dan rivoyat qilgan. Abu Salamaning Abu Hurayradan va Zayd ibn Xoliddan (qilgan) — har ikkala hadisi ham mening nazdimda sahihdir; chunki bu hadis Abu Hurayradan, (u) Paygʻambar ﷺ dan bir necha yoʻl bilan rivoyat qilingan. Abu Hurayraning hadisi shuning uchun sahih boʻldiki, u bir necha yoʻl bilan kelgan. Muhammad ibn Ismoil esa Abu Salamaning Zayd ibn Xoliddan (qilgan) hadisi sahihroq, deb hisoblagan. Abu Iso aytdi: Bu bobda Abu Bakr Siddiq, Ali, Oisha, Ibn Abbos, Huzayfa, Zayd ibn Xolid, Anas, Abdulloh ibn Amr, Ibn Umar, Ummu Habiba, Abu Umoma, Abu Ayyub, Tammom ibn Abbos, Abdulloh ibn Hanzala, Ummu Salama, Vosila ibn al-Asqaʼ va Abu Musodan ham (rivoyatlar bor).Абу Ҳурайра (розияллоҳу анҳу) ривоят қилади: Расулуллоҳ ﷺ: «Агар умматимга машаққат бўлиб қолишидан (қўрқмаганимда) эди, уларни ҳар бир намоз олдидан мисвок (тишларини тозалаш)га буюрар эдим», дедилар. Абу Исо айтди: Бу ҳадисни Муҳаммад ибн Исҳоқ ҳам Муҳаммад ибн Иброҳимдан, (у) Абу Саламадан, (у) Зайд ибн Холиддан, (у) Пайғамбар ﷺ дан ривоят қилган. Абу Саламанинг Абу Ҳурайрадан ва Зайд ибн Холиддан (қилган) — ҳар иккала ҳадиси ҳам менинг наздимда саҳиҳдир; чунки бу ҳадис Абу Ҳурайрадан, (у) Пайғамбар ﷺ дан бир неча йўл билан ривоят қилинган. Абу Ҳурайранинг ҳадиси шунинг учун саҳиҳ бўлдики, у бир неча йўл билан келган. Муҳаммад ибн Исмоил эса Абу Саламанинг Зайд ибн Холиддан (қилган) ҳадиси саҳиҳроқ, деб ҳисоблаган. Абу Исо айтди: Бу бобда Абу Бакр Сиддиқ, Али, Оиша, Ибн Аббос, Ҳузайфа, Зайд ибн Холид, Анас, Абдуллоҳ ибн Амр, Ибн Умар, Умму Ҳабиба, Абу Умома, Абу Айюб, Таммом ибн Аббос, Абдуллоҳ ибн Ҳанзала, Умму Салама, Восила ибн ал-Асқаъ ва Абу Мусодан ҳам (ривоятлар бор).