Mugʻiyra ibn Shuʼba (roziyallohu anhu)dan rivoyat qilinadiki, Nabiy ﷺ mahsining ustiga ham, ostiga ham mash tortdilar. Abu Iso aytdi: Bu Nabiy ﷺ ashoblari, tobeʼinlar va ulardan keyingi fuqaholardan birnechasining soʻzidir, Molik, Shofiʼiy va Ishoq ham shuni aytadilar. Biroq bu hadis maʼluldir (illatli), uni Savr ibn Yaziddan Validu ibn Muslimdan boshqa hech kim musnad (uzluksiz sanad bilan) qilmagan. Abu Iso aytdi: Men Abu Zurʼa va Muhammad ibn Ismoildan bu hadis haqida soʻradim, ikkalasi: U sahih emas, dedilar. Chunki Ibnul Muborak buni Savrdan, u Rajoʼ ibn Hayvadan rivoyat qilib: «Menga Mugʻiyraning kotibidan, u Nabiy ﷺdan mursal (sahobiy zikr qilinmagan holda) hadis qilib aytildi» dedi va unda Mugʻiyrani zikr qilmadi.Муғийра ибн Шуъба (розияллоҳу анҳу)дан ривоят қилинадики, Набий ﷺ маҳсининг устига ҳам, остига ҳам маш тортдилар. Абу Исо айтди: Бу Набий ﷺ ашоблари, тобеъинлар ва улардан кейинги фуқаҳолардан бирнечасининг сўзидир, Молик, Шофиъий ва Ишоқ ҳам шуни айтадилар. Бироқ бу ҳадис маълулдир (иллатли), уни Савр ибн Язиддан Валиду ибн Муслимдан бошқа ҳеч ким муснад (узлуксиз санад билан) қилмаган. Абу Исо айтди: Мен Абу Зуръа ва Муҳаммад ибн Исмоилдан бу ҳадис ҳақида сўрадим, иккаласи: У саҳиҳ эмас, дедилар. Чунки Ибнул Муборак буни Саврдан, у Ражў ибн Ҳайвадан ривоят қилиб: «Менга Муғийранинг котибидан, у Набий ﷺдан мурсал (саҳобий зикр қилинмаган ҳолда) ҳадис қилиб айтилди» деди ва унда Муғийрани зикр қилмади.