Salmon ibn Saxr al-Ansoriy (roziyallohu anhu)dan rivoyat qilinadi — u Banu Bayoza qabilasidan edi: U xotinini Ramazon tugaguncha oʻziga onasining beli kabi (harom) qilib qoʻydi. Ramazonning yarmi oʻtganda esa, kechasi u bilan yaqinlik qilib qoʻydi. Soʻng Rasululloh ﷺ huzuriga kelib, buni u zotga zikr qildi. Rasululloh ﷺ unga: «Bir qul ozod qil», dedilar. U: «Topa olmayman», dedi. U zot: «Unday boʻlsa, ikki oy ketma-ket roʻza tut», dedilar. U: «Bunga qodir emasman», dedi. U zot: «Oltmish miskinni taomlantir», dedilar. U: «Topa olmayman», dedi. Shunda Rasululloh ﷺ Farva ibn Amrga: «Unga ana shu araq (savatdagi xurmo)ni ber», dedilar. U on besh yoki on olti soʼ simaydigan savat edi. Soʻng u zot: «(Buni) oltmish miskinga taomlantir», dedilar. Abu Iso aytdi: Bu hadis hasandir. (Bu kishini) Salmon ibn Saxr ham, Salama ibn Saxr al-Bayoziy ham deyiladi. Ilm ahli huzurida zihor kafforati borasida amal shu hadisga koʻradir.Салмон ибн Сахр ал-Ансорий (розияллоҳу анҳу)дан ривоят қилинади — у Бану Баёза қабиласидан эди: У хотинини Рамазон тугагунча ўзига онасининг бели каби (ҳаром) қилиб қўйди. Рамазоннинг ярми ўтганда эса, кечаси у билан яқинлик қилиб қўйди. Сўнг Расулуллоҳ ﷺ ҳузурига келиб, буни у зотга зикр қилди. Расулуллоҳ ﷺ унга: «Бир қул озод қил», дедилар. У: «Топа олмайман», деди. У зот: «Ундай бўлса, икки ой кетма-кет рўза тут», дедилар. У: «Бунга қодир эмасман», деди. У зот: «Олтмиш мискинни таомлантир», дедилар. У: «Топа олмайман», деди. Шунда Расулуллоҳ ﷺ Фарва ибн Амрга: «Унга ана шу арақ (саватдаги хурмо)ни бер», дедилар. У он беш ёки он олти сў симайдиган сават эди. Сўнг у зот: «(Буни) олтмиш мискинга таомлантир», дедилар. Абу Исо айтди: Бу ҳадис ҳасандир. (Бу кишини) Салмон ибн Сахр ҳам, Салама ибн Сахр ал-Баёзий ҳам дейилади. Илм аҳли ҳузурида зиҳор каффорати борасида амал шу ҳадисга кўрадир.