Anas ibn Molik (roziyallohu anhu)dan rivoyat qilinadi: Bir kishining aqlida zaiflik boʻlib, u savdo qilardi. Uning oila aʼzolari Nabiy ﷺning huzurlariga kelib: «Yo Rasululloh, unga (savdo-sotiqni) man qiling», dedilar. Shunda Allohning Nabiysi ﷺ uni chaqirib, (savdodan) qaytardilar. U esa: «Yo Rasululloh, men savdoga sabr qila olmayman», dedi. Shunda u zot: «Savdolashganingda: ‹Qoʻlma-qoʻl boʻlsin va aldash yoʻq›, deb ayt», dedilar. Abu Iso aytdi: Bu bobda Ibn Umardan ham (hadis) bor. Anasning hadisi hasan sahih garibdir. Ushbu hadisga ilm ahlining baʼzilari amal qiladilar va ular: «Aqli zaif boʻlsa, ozod kishiga ham oldi-sotdida (taqiq qoʻyilib) hajr qilinadi», dedilar. Bu Ahmad va Ishoqning soʻzidir. Baʼzilari esa baligʻ boʻlgan ozod kishiga hajr qoʻyishni (joiz) koʻrmadilar.Анас ибн Молик (розияллоҳу анҳу)дан ривоят қилинади: Бир кишининг ақлида заифлик бўлиб, у савдо қиларди. Унинг оила аъзолари Набий ﷺнинг ҳузурларига келиб: «Ё Расулуллоҳ, унга (савдо-сотиқни) ман қилинг», дедилар. Шунда Аллоҳнинг Набийси ﷺ уни чақириб, (савдодан) қайтардилар. У эса: «Ё Расулуллоҳ, мен савдога сабр қила олмайман», деди. Шунда у зот: «Савдолашганингда: ‹Қўлма-қўл бўлсин ва алдаш йўқ›, деб айт», дедилар. Абу Исо айтди: Бу бобда Ибн Умардан ҳам (ҳадис) бор. Анаснинг ҳадиси ҳасан саҳиҳ гарибдир. Ушбу ҳадисга илм аҳлининг баъзилари амал қиладилар ва улар: «Ақли заиф бўлса, озод кишига ҳам олди-сотдида (тақиқ қўйилиб) ҳажр қилинади», дедилар. Бу Аҳмад ва Ишоқнинг сўзидир. Баъзилари эса балиғ бўлган озод кишига ҳажр қўйишни (жоиз) кўрмадилар.