Abu Abdurrahmon as-Sulamiy (rahimahulloh)dan rivoyat qilinadi: Ali (roziyallohu anhu) xutba qilib: «Ey odamlar, qullaringizdan uylik boʻlgani ham, uylik boʻlmagani ham (gunoh qilsa), ularga hadlarni tatbiq etinglar. Rasululloh ﷺning bir choʻrisi zino qilgan edi, u zot menga uni qamchilashni buyurdilar. Qarasam, u yangigina tuqqan (nifosli) ayol ekan, agar uni qamchilasam, oʻldirib qoʻyishimdan — yoki: u oʻlib qolishidan — qoʻrqdim. Shunda Rasululloh ﷺ huzuriga kelib, buni u zotga aytdim. U zot: ‹Yaxshi qilibsan›, dedilar», dedi. Abu Iso aytdi: Bu hasan sahih hadisdir. as-Suddiyning ismi Ismoil ibn Abdurrahmon boʻlib, u tobeʼinlardandir; u Anas ibn Molikdan eshitgan va Husayn ibn Ali ibn Abu Tolib (roziyallohu anhu)ni koʻrgan.Абу Абдурраҳмон ас-Суламий (раҳимаҳуллоҳ)дан ривоят қилинади: Али (розияллоҳу анҳу) хутба қилиб: «Эй одамлар, қулларингиздан уйлик бўлгани ҳам, уйлик бўлмагани ҳам (гуноҳ қилса), уларга ҳадларни татбиқ этинглар. Расулуллоҳ ﷺнинг бир чўриси зино қилган эди, у зот менга уни қамчилашни буюрдилар. Қарасам, у янгигина туққан (нифосли) аёл экан, агар уни қамчиласам, ўлдириб қўйишимдан — ёки: у ўлиб қолишидан — қўрқдим. Шунда Расулуллоҳ ﷺ ҳузурига келиб, буни у зотга айтдим. У зот: ‹Яхши қилибсан›, дедилар», деди. Абу Исо айтди: Бу ҳасан саҳиҳ ҳадисдир. ас-Суддийнинг исми Исмоил ибн Абдурраҳмон бўлиб, у тобеъинлардандир; у Анас ибн Моликдан эшитган ва Ҳусайн ибн Али ибн Абу Толиб (розияллоҳу анҳу)ни кўрган.