Jobir ibn Abdulloh (roziyallohu anhumo)dan rivoyat qilinadi, u dedi: Rasululloh ﷺ: «Kim azonni eshitganda: ‹Allohumma Robba hozihid-daʼvatit-tomma vas-solatil-qoima, oti Muhammadanil-vasilata val-fazila, vabʼashhu maqoman mahmudanil-lazi vaʼadtah› — ‹Ey Alloh, bu mukammal daʼvatning va qoim turguvchi namozning Robbi, Muhammadga vasila va fazilatni ato et, hamda uni Oʻzing vaʼda qilgan maqtovli maqomga eltgin› — desa, unga Qiyomat kunida shafoat (qilish huquqi) halol boʻladi», dedilar. Abu Iso aytdi: Jobirning hadisi Muhammad ibn al-Munkadirning (rivoyati) jihatidan sahih hasan gʻaribdir; uni Shuayb ibn Abu Hamzadan, u Muhammad ibn al-Munkadirdan (rivoyat qilganidan) boshqa birovning rivoyat qilganini bilmaymiz. Abu Hamzaning ismi Dinordir.Жобир ибн Абдуллоҳ (розияллоҳу анҳумо)дан ривоят қилинади, у деди: Расулуллоҳ ﷺ: «Ким азонни эшитганда: ‹Аллоҳумма Робба ҳозиҳид-даъватит-томма вас-солатил-қоима, оти Муҳаммаданил-василата вал-фазила, вабъашҳу мақоман маҳмуданил-лази ваъадтаҳ› — ‹Эй Аллоҳ, бу мукаммал даъватнинг ва қоим тургувчи намознинг Робби, Муҳаммадга васила ва фазилатни ато эт, ҳамда уни Ўзинг ваъда қилган мақтовли мақомга элтгин› — деса, унга Қиёмат кунида шафоат (қилиш ҳуқуқи) ҳалол бўлади», дедилар. Абу Исо айтди: Жобирнинг ҳадиси Муҳаммад ибн ал-Мункадирнинг (ривояти) жиҳатидан саҳиҳ ҳасан ғарибдир; уни Шуайб ибн Абу Ҳамзадан, у Муҳаммад ибн ал-Мункадирдан (ривоят қилганидан) бошқа бировнинг ривоят қилганини билмаймиз. Абу Ҳамзанинг исми Динордир.