Abdulloh (ibn Masʼud) (roziyallohu anhu)dan, u Nabiy ﷺdan rivoyat qiladi. U zot: «Mendan keyin (yonimda) sizlardan aql va idrok egalari tursin, soʻng ulardan keyingilari, soʻng ulardan keyingilari (tursin). Ixtilof qilmanglar, aks holda qalblaringiz ixtilofga tushadi. Bozorlarning gʻavgʻo-shovqinidan saqlaninglar», dedilar. U (rovi) aytdi: Bu bobda Ubay ibn Kaʼb, Abu Masʼud, Abu Said, al-Baro va Anasdan ham (rivoyatlar) bor. Abu Iso aytdi: Ibn Masʼudning hadisi hasan gʻarib hadisdir. Nabiy ﷺdan rivoyat qilinishicha, u zot yonlarida muhojirlar va ansorlar turishi, ulardan (hadis) yodlab olishlari uchun, buni yoqtirar edilar. U (Abu Iso) aytdi: Xolid al-Hazzo — bu Xolid ibn Mihron boʻlib, kunyasi Abul-Manozildir. U aytdi: Men Muhammad ibn Ismoilning shunday deganini eshitdim: Aytiladiki, Xolid al-Hazzo aslo na poyabzal tikkan, balki u (faqat) poyabzal tikuvchining yonida oʻtirar edi, shu sababli unga (Hazzo deb) nisbat berilgan. U aytdi: Abu Maʼsharning ismi esa Ziyod ibn Kulaybdir.Абдуллоҳ (ибн Масъуд) (розияллоҳу анҳу)дан, у Набий ﷺдан ривоят қилади. У зот: «Мендан кейин (ёнимда) сизлардан ақл ва идрок эгалари турсин, сўнг улардан кейингилари, сўнг улардан кейингилари (турсин). Ихтилоф қилманглар, акс ҳолда қалбларингиз ихтилофга тушади. Бозорларнинг ғавғо-шовқинидан сақланинглар», дедилар. У (рови) айтди: Бу бобда Убай ибн Каъб, Абу Масъуд, Абу Саид, ал-Баро ва Анасдан ҳам (ривоятлар) бор. Абу Исо айтди: Ибн Масъуднинг ҳадиси ҳасан ғариб ҳадисдир. Набий ﷺдан ривоят қилинишича, у зот ёнларида муҳожирлар ва ансорлар туриши, улардан (ҳадис) ёдлаб олишлари учун, буни ёқтирар эдилар. У (Абу Исо) айтди: Холид ал-Ҳаззо — бу Холид ибн Миҳрон бўлиб, куняси Абул-Манозилдир. У айтди: Мен Муҳаммад ибн Исмоилнинг шундай деганини эшитдим: Айтиладики, Холид ал-Ҳаззо асло на поябзал тиккан, балки у (фақат) поябзал тикувчининг ёнида ўтирар эди, шу сабабли унга (Ҳаззо деб) нисбат берилган. У айтди: Абу Маъшарнинг исми эса Зиёд ибн Кулайбдир.