Abu Hurayra (roziyallohu anhu)dan rivoyat qilinadi: Rasululloh ﷺ: «Biringiz namozni kutib turar ekan, toki namozda (sanalaveradi); namozni kutib (oʻtirgan) biringizga farishtalar: ‹Allohim, uni magʻfirat qil, Allohim, unga rahm qil› deb, toki u masjidda ekan va tahoratini buzmaguncha, (uning haqiga) duo qilaveradilar», dedilar. Shunda Hazramavtlik bir kishi: «Tahoratni buzish nima, ey Abu Hurayra?» dedi. U: «Tovushsiz yoki tovushli yel chiqarishdir», dedi. (Abu Iso) aytdi: Bu bobda Ali, Abu Said, Anas, Abdulloh ibn Masʼud va Sahl ibn Saʼddan ham (rivoyatlar) bor. Abu Iso aytdi: Abu Hurayraning hadisi hasan sahih hadisdir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Бирингиз намозни кутиб турар экан, токи намозда (саналаверади); намозни кутиб (ўтирган) бирингизга фаришталар: ‹Аллоҳим, уни мағфират қил, Аллоҳим, унга раҳм қил› деб, токи у масжидда экан ва таҳоратини бузмагунча, (унинг ҳақига) дуо қилаверадилар», дедилар. Шунда Ҳазрамавтлик бир киши: «Таҳоратни бузиш нима, эй Абу Ҳурайра?» деди. У: «Товушсиз ёки товушли ел чиқаришдир», деди. (Абу Исо) айтди: Бу бобда Али, Абу Саид, Анас, Абдуллоҳ ибн Масъуд ва Саҳл ибн Саъддан ҳам (ривоятлар) бор. Абу Исо айтди: Абу Ҳурайранинг ҳадиси ҳасан саҳиҳ ҳадисдир.