Savbon (roziyallohu anhu) Rasululloh ﷺdan rivoyat qiladi. U zot: «Kishiga boshqa bir kishining uyi ichiga izn soʻramay nazar solishi halol emas; agar nazar solsa, demak u (uyga) kirgan boʻladi. Va u bir qavmga imomlik qilib, oʻzini ulardan tashqari (alohida) duo bilan xoslamasin; agar shunday qilsa, demak ularga xiyonat qilgan boʻladi. Va kishi peshobi qistab turgan holda namozga turmasin», dedilar. (Abu Iso) aytdi: Bu bobda Abu Hurayra va Abu Umomadan ham (rivoyatlar) bor. Abu Iso aytdi: Savbonning hadisi hasan hadisdir. Bu hadis Muoviya ibn Solihdan, u Safar ibn Nusayrdan, u Yazid ibn Shurayhdan, u Abu Umomadan, u Nabiy ﷺdan ham rivoyat qilingan. Yana bu hadis Yazid ibn Shurayhdan, u Abu Hurayradan, u Nabiy ﷺdan ham rivoyat qilingan. Goʻyo Yazid ibn Shurayhning Abu Hayy al-Muazzindan, uning Savbondan (qilgan) shu (boradagi) hadisi isnod jihatidan yaxshiroq va mashhurroqdir.Савбон (розияллоҳу анҳу) Расулуллоҳ ﷺдан ривоят қилади. У зот: «Кишига бошқа бир кишининг уйи ичига изн сўрамай назар солиши ҳалол эмас; агар назар солса, демак у (уйга) кирган бўлади. Ва у бир қавмга имомлик қилиб, ўзини улардан ташқари (алоҳида) дуо билан хосламасин; агар шундай қилса, демак уларга хиёнат қилган бўлади. Ва киши пешоби қистаб турган ҳолда намозга турмасин», дедилар. (Абу Исо) айтди: Бу бобда Абу Ҳурайра ва Абу Умомадан ҳам (ривоятлар) бор. Абу Исо айтди: Савбоннинг ҳадиси ҳасан ҳадисдир. Бу ҳадис Муовия ибн Солиҳдан, у Сафар ибн Нусайрдан, у Язид ибн Шурайҳдан, у Абу Умомадан, у Набий ﷺдан ҳам ривоят қилинган. Яна бу ҳадис Язид ибн Шурайҳдан, у Абу Ҳурайрадан, у Набий ﷺдан ҳам ривоят қилинган. Гўё Язид ибн Шурайҳнинг Абу Ҳайй ал-Муаззиндан, унинг Савбондан (қилган) шу (борадаги) ҳадиси иснод жиҳатидан яхшироқ ва машҳурроқдир.