Mahmud ibn Gʻaylon bizga aytib berdi, Shaboba ibn Savvor bizga aytib berdi, u Shuʼbadan, u Nuaym ibn Abu Hinddan, u Abu Voildan, u Masruqdan, u Oisha (roziyallohu anho)dan rivoyat qiladi. U: «Rasululloh ﷺ oʻzlari vafot etgan kasalliklarida Abu Bakrning ortida oʻtirgan holda namoz oʻqidilar», dedi. Abu Iso aytdi: Oishaning hadisi hasan sahihdir. Oishadan Nabiy ﷺdan shunday rivoyat qilingan: u zot: «Imom oʻtirgan holda namoz oʻqisa, sizlar ham oʻtirib oʻqing», dedilar. Yana undan rivoyat qilinganki, Nabiy ﷺ kasalliklarida (uydan) chiqdilar, Abu Bakr esa odamlarga (imom boʻlib) namoz oʻqitayotgan edi; bas, u zot Abu Bakrning yonida namoz oʻqidilar, odamlar Abu Bakrga ergashar, Abu Bakr esa Nabiy ﷺga ergashar edi. Yana undan rivoyat qilinganki, Nabiy ﷺ Abu Bakrning ortida oʻtirgan holda namoz oʻqidilar. Yana Anas ibn Molikdan rivoyat qilinganki, Nabiy ﷺ Abu Bakrning ortida, oʻtirgan holda namoz oʻqidilar.Маҳмуд ибн Ғайлон бизга айтиб берди, Шабоба ибн Саввор бизга айтиб берди, у Шуъбадан, у Нуайм ибн Абу Ҳинддан, у Абу Воилдан, у Масруқдан, у Оиша (розияллоҳу анҳо)дан ривоят қилади. У: «Расулуллоҳ ﷺ ўзлари вафот этган касалликларида Абу Бакрнинг ортида ўтирган ҳолда намоз ўқидилар», деди. Абу Исо айтди: Оишанинг ҳадиси ҳасан саҳиҳдир. Оишадан Набий ﷺдан шундай ривоят қилинган: у зот: «Имом ўтирган ҳолда намоз ўқиса, сизлар ҳам ўтириб ўқинг», дедилар. Яна ундан ривоят қилинганки, Набий ﷺ касалликларида (уйдан) чиқдилар, Абу Бакр эса одамларга (имом бўлиб) намоз ўқитаётган эди; бас, у зот Абу Бакрнинг ёнида намоз ўқидилар, одамлар Абу Бакрга эргашар, Абу Бакр эса Набий ﷺга эргашар эди. Яна ундан ривоят қилинганки, Набий ﷺ Абу Бакрнинг ортида ўтирган ҳолда намоз ўқидилар. Яна Анас ибн Моликдан ривоят қилинганки, Набий ﷺ Абу Бакрнинг ортида, ўтирган ҳолда намоз ўқидилар.