Mahmud ibn Gʻaylon bizga aytib berdi, Abu Dovud — u at-Tayolisiydir — bizga aytib berdi, Shuʼba bizga aytib berdi, Saʼd ibn Ibrohim bizga xabar berdi, u aytdi: Men Abu Ubayda ibn Abdulloh ibn Masʼudning otasidan (Abdulloh ibn Masʼud (roziyallohu anhu)dan) rivoyat qilib aytganini eshitdim. U aytdi: Rasululloh ﷺ dastlabki ikki rakaatda oʻtirganlarida goʻyo qizigan toshlar ustida (oʻtirganday tez koʻtarilar) edilar. Shuʼba aytdi: Soʻng Saʼd labini bir narsa (deb) qimirlatdi; men: «To turguniga qadarmi?» dedim, u: «To turguniga qadar», dedi. Abu Iso aytdi: Bu hadis hasandir, biroq Abu Ubayda otasidan (bevosita) eshitmagan. Ahli ilm nazdida amal shunga (binoan)dir: ular kishi dastlabki ikki rakaatda oʻtirishni uzaytirmasligini va tashahhudga biror narsa qoʻshmasligini ixtiyor qiladilar. Ular: «Agar tashahhudga (biror narsa) qoʻshsa, unga ikki sahv sajdasi (vojib boʻladi)», dedilar. Shaʼbiy va boshqalardan ham shunday rivoyat qilingan.Маҳмуд ибн Ғайлон бизга айтиб берди, Абу Довуд — у ат-Таёлисийдир — бизга айтиб берди, Шуъба бизга айтиб берди, Саъд ибн Иброҳим бизга хабар берди, у айтди: Мен Абу Убайда ибн Абдуллоҳ ибн Масъуднинг отасидан (Абдуллоҳ ибн Масъуд (розияллоҳу анҳу)дан) ривоят қилиб айтганини эшитдим. У айтди: Расулуллоҳ ﷺ дастлабки икки ракаатда ўтирганларида гўё қизиган тошлар устида (ўтиргандай тез кўтарилар) эдилар. Шуъба айтди: Сўнг Саъд лабини бир нарса (деб) қимирлатди; мен: «То тургунига қадарми?» дедим, у: «То тургунига қадар», деди. Абу Исо айтди: Бу ҳадис ҳасандир, бироқ Абу Убайда отасидан (бевосита) эшитмаган. Аҳли илм наздида амал шунга (биноан)дир: улар киши дастлабки икки ракаатда ўтиришни узайтирмаслигини ва ташаҳҳудга бирор нарса қўшмаслигини ихтиёр қиладилар. Улар: «Агар ташаҳҳудга (бирор нарса) қўшса, унга икки саҳв саждаси (вожиб бўлади)», дедилар. Шаъбий ва бошқалардан ҳам шундай ривоят қилинган.