Jobir (roziyallohu anhu)dan rivoyat qilinadi: Biz Nabiy ﷺ bilan birga safarda edik, bizga yomgʻir tegdi. Shunda Nabiy ﷺ: «Kim xohlasa, oʻz manzilida (ulovida) namoz oʻqisin», dedilar. (Abu Iso) aytdi: Bu bobda Ibn Umar, Samura, Abul Malih otasidan va Abdurrahmon ibn Samuradan ham (rivoyatlar) bor. Abu Iso aytdi: Jobirning hadisi hasan sahih hadisdir. Ilm ahli yomgʻir va loy-tuproq paytida jamoatdan hamda jumʼadan qolishga ruxsat berganlar, Ahmad va Ishoq ham shuni aytadilar. Abu Iso aytdi: Men Abu Zurʼaning shunday deganini eshitdim: Affon ibn Muslim Amr ibn Alidan bir hadis rivoyat qildi. Abu Zurʼa: Basrada bu uch kishidan — Ali ibn al-Madiniy, Ibn ash-Shazakuniy va Amr ibn Alidan — yodi kuchliroq kimsani koʻrmadik, dedi. Abul Malihning ismi Omir boʻlib, Zayd ibn Usoma ibn Umayr al-Huzaliy deb ham aytiladi.Жобир (розияллоҳу анҳу)дан ривоят қилинади: Биз Набий ﷺ билан бирга сафарда эдик, бизга ёмғир тегди. Шунда Набий ﷺ: «Ким хоҳласа, ўз манзилида (уловида) намоз ўқисин», дедилар. (Абу Исо) айтди: Бу бобда Ибн Умар, Самура, Абул Малиҳ отасидан ва Абдурраҳмон ибн Самурадан ҳам (ривоятлар) бор. Абу Исо айтди: Жобирнинг ҳадиси ҳасан саҳиҳ ҳадисдир. Илм аҳли ёмғир ва лой-тупроқ пайтида жамоатдан ҳамда жумъадан қолишга рухсат берганлар, Аҳмад ва Ишоқ ҳам шуни айтадилар. Абу Исо айтди: Мен Абу Зуръанинг шундай деганини эшитдим: Аффон ибн Муслим Амр ибн Алидан бир ҳадис ривоят қилди. Абу Зуръа: Басрада бу уч кишидан — Али ибн ал-Мадиний, Ибн аш-Шазакуний ва Амр ибн Алидан — ёди кучлироқ кимсани кўрмадик, деди. Абул Малиҳнинг исми Омир бўлиб, Зайд ибн Усома ибн Умайр ал-Ҳузалий деб ҳам айтилади.