Baro (roziyallohu anhu)dan rivoyat qilinadi: Nabiy ﷺ ikkita qoʻshin joʻnatdilar, ularning biriga Ali ibn Abu Tolibni, ikkinchisiga Xolid ibn Validni amir qildilar va: «Jang boʻlsa, (boshchilik) Aliga (tegishlidir)», dedilar. (Baro) aytdi: Ali bir qalʼani fath etib, undan bir joriyani oldi. Xolid ibn Valid u haqda chaqishib (yomonlab), men bilan Nabiy ﷺga maktub yubordi. Men Nabiy ﷺ huzurlariga keldim, u zot maktubni oʻqidilar-da, yuzlari oʻzgardi, soʻng: «Allohni va Rasulini sevadigan, Alloh va Rasuli ham uni sevadigan kishi haqida nima deysan?», dedilar. (Baro) aytdi: Men: «Allohning gʻazabidan va Rasulining gʻazabidan Allohdan panoh soʻrayman, men faqat bir elchiman», dedim. Shunda u zot jim qoldilar. Abu Iso aytdi: Bu bobda Ibn Umardan ham (rivoyat) bor. Bu hadis hasan gʻaribdir, uni faqat al-Ahvas ibn Javvob rivoyatidan bilamiz. «Yashi bihi» soʻzining maʼnosi — chaqimchilik (qilish), demakdir.Баро (розияллоҳу анҳу)дан ривоят қилинади: Набий ﷺ иккита қўшин жўнатдилар, уларнинг бирига Али ибн Абу Толибни, иккинчисига Холид ибн Валидни амир қилдилар ва: «Жанг бўлса, (бошчилик) Алига (тегишлидир)», дедилар. (Баро) айтди: Али бир қалъани фатҳ этиб, ундан бир жорияни олди. Холид ибн Валид у ҳақда чақишиб (ёмонлаб), мен билан Набий ﷺга мактуб юборди. Мен Набий ﷺ ҳузурларига келдим, у зот мактубни ўқидилар-да, юзлари ўзгарди, сўнг: «Аллоҳни ва Расулини севадиган, Аллоҳ ва Расули ҳам уни севадиган киши ҳақида нима дейсан?», дедилар. (Баро) айтди: Мен: «Аллоҳнинг ғазабидан ва Расулининг ғазабидан Аллоҳдан паноҳ сўрайман, мен фақат бир элчиман», дедим. Шунда у зот жим қолдилар. Абу Исо айтди: Бу бобда Ибн Умардан ҳам (ривоят) бор. Бу ҳадис ҳасан ғарибдир, уни фақат ал-Аҳвас ибн Жаввоб ривоятидан биламиз. «Яши биҳи» сўзининг маъноси — чақимчилик (қилиш), демакдир.