Abu Zarr (roziyallohu anhu)dan rivoyat qilinadi: «Quyosh botgan paytda masjidga kirdim, Nabiy ﷺ esa oʻtirgan edilar. U zot: ‹Ey Abu Zarr, bu (quyosh) qayoqqa ketishini bilasanmi?› dedilar. Men: ‹Alloh va Uning Rasuli bilguvchiroqdir›, dedim. U zot: ‹Albatta u sajda qilishga izn soʻrab boradi, unga izn beriladi. Goʻyo unga: ‹Qaerdan kelgan boʻlsang, oʻsha tomondan chiq›, deyilgandek (bir kun) oʻzining magʻribidan (botar tomonidan) chiqadi›, dedilar.» Soʻng u zot: {Va bu uning qaror topadigan joyidir} (Yosin 38) oyatini oʻqidilar. (Roviy) aytdi: Bu Abdulloh ibn Masʼudning qiroatidir. Abu Iso aytdi: Bu bobda Safvon ibn Assol, Huzayfa ibn Asid, Anas va Abu Musodan ham (rivoyatlar) bor. Bu hadis hasan sahihdir.Абу Зарр (розияллоҳу анҳу)дан ривоят қилинади: «Қуёш ботган пайтда масжидга кирдим, Набий ﷺ эса ўтирган эдилар. У зот: ‹Эй Абу Зарр, бу (қуёш) қаёққа кетишини биласанми?› дедилар. Мен: ‹Аллоҳ ва Унинг Расули билгувчироқдир›, дедим. У зот: ‹Албатта у сажда қилишга изн сўраб боради, унга изн берилади. Гўё унга: ‹Қаэрдан келган бўлсанг, ўша томондан чиқ›, дейилгандек (бир кун) ўзининг мағрибидан (ботар томонидан) чиқади›, дедилар.» Сўнг у зот: {Ва бу унинг қарор топадиган жойидир} (Ёсин 38) оятини ўқидилар. (Ровий) айтди: Бу Абдуллоҳ ибн Масъуднинг қироатидир. Абу Исо айтди: Бу бобда Сафвон ибн Ассол, Ҳузайфа ибн Асид, Анас ва Абу Мусодан ҳам (ривоятлар) бор. Бу ҳадис ҳасан саҳиҳдир.