Abu Voil (rahimahulloh)dan rivoyat qilinadi: Muoviya Abu Hoshim ibn Utbaning oldiga, u kasal yotgan paytda, uni koʻrgani keldi va: «Ey togʻa, sizni nima yigʻlatyapti? Sizni qiynayotgan ogʻriqmi yoki dunyoga harislikmi?» dedi. U: «Ikkalasi ham emas. Lekin Rasululloh ﷺ menga bir tavsiya qilgan edilar, men unga amal qilmadim. U zot: ‹Mol toʻplashdan senga (yetarli boʻladigan narsa) — bir xizmatkor va Alloh yoʻlida (minib jihod qiladigan) bir ulovdir›, degan edilar. Bugun esa men (haddan ortiq mol) toʻplaganimni koʻrib turibman», dedi. Abu Iso aytdi: Zoida va Abida ibn Humayd Mansurdan, u Abu Voildan, u Samura ibn Sahmdan rivoyat qilib: «Muoviya Abu Hoshimning oldiga kirdi», deb shunga oʻxshashini zikr qilgan. Bu bobda Burayda al-Aslamiydan, u Nabiy ﷺdan (rivoyat) bor.Абу Воил (раҳимаҳуллоҳ)дан ривоят қилинади: Муовия Абу Ҳошим ибн Утбанинг олдига, у касал ётган пайтда, уни кўргани келди ва: «Эй тоға, сизни нима йиғлатяпти? Сизни қийнаётган оғриқми ёки дунёга ҳарисликми?» деди. У: «Иккаласи ҳам эмас. Лекин Расулуллоҳ ﷺ менга бир тавсия қилган эдилар, мен унга амал қилмадим. У зот: ‹Мол тўплашдан сенга (етарли бўладиган нарса) — бир хизматкор ва Аллоҳ йўлида (миниб жиҳод қиладиган) бир уловдир›, деган эдилар. Бугун эса мен (ҳаддан ортиқ мол) тўплаганимни кўриб турибман», деди. Абу Исо айтди: Зоида ва Абида ибн Ҳумайд Мансурдан, у Абу Воилдан, у Самура ибн Саҳмдан ривоят қилиб: «Муовия Абу Ҳошимнинг олдига кирди», деб шунга ўхшашини зикр қилган. Бу бобда Бурайда ал-Асламийдан, у Набий ﷺдан (ривоят) бор.