Anas ibn Molik (roziyallohu anhu)dan rivoyat qilinadi: U aytdi: Nabiy ﷺ zamonlarida ikki aka-uka bor edi. Ulardan biri Nabiy ﷺ huzurlariga (ilm olish uchun) kelib turar, ikkinchisi esa hunar (kasb) bilan shugʻullanar edi. Hunarmand (uka) akasidan Nabiy ﷺga shikoyat qildi. Shunda u zot: «Sen, ehtimol, oʻsha (aka) sababli rizqlantirilayotgandirsan», dedilar. Abu Iso aytdi: Bu hadis hasan sahihdir.Анас ибн Молик (розияллоҳу анҳу)дан ривоят қилинади: У айтди: Набий ﷺ замонларида икки ака-ука бор эди. Улардан бири Набий ﷺ ҳузурларига (илм олиш учун) келиб турар, иккинчиси эса ҳунар (касб) билан шуғулланар эди. Ҳунарманд (ука) акасидан Набий ﷺга шикоят қилди. Шунда у зот: «Сен, эҳтимол, ўша (ака) сабабли ризқлантирилаётгандирсан», дедилар. Абу Исо айтди: Бу ҳадис ҳасан саҳиҳдир.