Anas (roziyallohu anhu)dan rivoyat qilinadiki, u aytdi: Bir kishi Rasululloh ﷺning huzuriga kelib: «Yo Rasululloh, qiyomat qachon qoim boʻladi?» dedi. Shunda Nabiy ﷺ namozga turdilar. Namozlarini tugatgach: «Qiyomatning qoim boʻlishi haqida soʻragan (kishi) qani?» dedilar. U kishi: «Men, yo Rasululloh», dedi. U zot: «Sen unga nima (toʻplab) tayyorlading?» dedilar. U: «Yo Rasululloh, men unga koʻp namoz ham, roʻza ham tayyorlaganim yoʻq, faqat Olloh va Rasulini sevaman», dedi. Shunda Rasululloh ﷺ: «Kishi oʻzi sevgan (zot) bilan birga boʻladi, sen ham sevgan (zoting) bilan birgasan», dedilar. Men musulmonlarni islomdan keyin shu (xabar)dan xursand boʻlganlaridek xursand boʻlganlarini koʻrmadim. Abu Iso aytdi: Bu hadis sahihdir.Анас (розияллоҳу анҳу)дан ривоят қилинадики, у айтди: Бир киши Расулуллоҳ ﷺнинг ҳузурига келиб: «Ё Расулуллоҳ, қиёмат қачон қоим бўлади?» деди. Шунда Набий ﷺ намозга турдилар. Намозларини тугатгач: «Қиёматнинг қоим бўлиши ҳақида сўраган (киши) қани?» дедилар. У киши: «Мен, ё Расулуллоҳ», деди. У зот: «Сен унга нима (тўплаб) тайёрладинг?» дедилар. У: «Ё Расулуллоҳ, мен унга кўп намоз ҳам, рўза ҳам тайёрлаганим йўқ, фақат Оллоҳ ва Расулини севаман», деди. Шунда Расулуллоҳ ﷺ: «Киши ўзи севган (зот) билан бирга бўлади, сен ҳам севган (зотинг) билан биргасан», дедилар. Мен мусулмонларни исломдан кейин шу (хабар)дан хурсанд бўлганларидек хурсанд бўлганларини кўрмадим. Абу Исо айтди: Бу ҳадис саҳиҳдир.