Yana (Abdulloh ibn Masʼud roziyallohu anhu) aytdi: Rasululloh ﷺ: «Alloh sizlardan biringizning tavbangizdan shunday xursand boʻladiki, halokatli, suvsiz sahroda boʻlgan kishidan ham (ortiq xursand boʻladi). Uning yonida ozuqasi, taomi, ichimligi va oʻziga kerakli narsalari yuklangan ulovi bor edi. Soʻng u (ulov) yoʻqolib qoldi. U esa uni qidirib chiqdi, hatto unga oʻlim yetganda: ‹Ulovimni yoʻqotgan joyimga qaytib boray-da, oʻsha yerda oʻlay›, dedi. Soʻng u oʻz joyiga qaytdi va uni uyqu yengdi. Uygʻonsa, ulovi boshi uchida — ustida taomi, ichimligi va oʻziga kerakli narsalari bilan turibdi», dedilar. Abu Iso aytdi: Bu hadis hasan sahihdir. Bu bobda Abu Hurayra, Nuʼmon ibn Bashir va Anas ibn Molik (roziyallohu anhum)dan ham Paygʻambar ﷺdan (rivoyatlar) bor.Яна (Абдуллоҳ ибн Масъуд розияллоҳу анҳу) айтди: Расулуллоҳ ﷺ: «Аллоҳ сизлардан бирингизнинг тавбангиздан шундай хурсанд бўладики, ҳалокатли, сувсиз саҳрода бўлган кишидан ҳам (ортиқ хурсанд бўлади). Унинг ёнида озуқаси, таоми, ичимлиги ва ўзига керакли нарсалари юкланган улови бор эди. Сўнг у (улов) йўқолиб қолди. У эса уни қидириб чиқди, ҳатто унга ўлим етганда: ‹Уловимни йўқотган жойимга қайтиб борай-да, ўша ерда ўлай›, деди. Сўнг у ўз жойига қайтди ва уни уйқу енгди. Уйғонса, улови боши учида — устида таоми, ичимлиги ва ўзига керакли нарсалари билан турибди», дедилар. Абу Исо айтди: Бу ҳадис ҳасан саҳиҳдир. Бу бобда Абу Ҳурайра, Нуъмон ибн Башир ва Анас ибн Молик (розияллоҳу анҳум)дан ҳам Пайғамбар ﷺдан (ривоятлар) бор.