Abu Hurayra (roziyallohu anhu)dan rivoyat qilinadi: Nabiy ﷺ bir kishining oʻz ismi bilan kunyasini birga jamlab, Muhammad Abul-Qosim deb atalishidan qaytardilar. Bu bobda Jobirdan ham (rivoyat) bor. Abu Iso aytdi: Bu hadis hasan sahihdir. Baʼzi ilm ahli kishining Nabiy ﷺning ismi bilan kunyasini birga jamlashini makruh sanaganlar, baʼzilari esa buni qilganlar. Nabiy ﷺdan rivoyat qilinishicha, u zot bozorda bir kishining «Yo Abal-Qosim!» deb chaqirganini eshitdilar-da, oʻgirilib qaradilar. Haligi kishi: «Men sizni nazarda tutganim yoʻq», dedi. Shunda Nabiy ﷺ: «Mening kunyam bilan kunyalanmanglar», dedilar. Buni bizga Hasan ibn Ali al-Xalol, unga Yazid ibn Horun, Humayddan, u Anasdan, u Nabiy ﷺdan shu (mazmunda) rivoyat qilgan. Bu hadisda Abul-Qosim deb kunyalanish makruhligiga dalolat qiluvchi narsa bor.Абу Ҳурайра (розияллоҳу анҳу)дан ривоят қилинади: Набий ﷺ бир кишининг ўз исми билан кунясини бирга жамлаб, Муҳаммад Абул-Қосим деб аталишидан қайтардилар. Бу бобда Жобирдан ҳам (ривоят) бор. Абу Исо айтди: Бу ҳадис ҳасан саҳиҳдир. Баъзи илм аҳли кишининг Набий ﷺнинг исми билан кунясини бирга жамлашини макруҳ санаганлар, баъзилари эса буни қилганлар. Набий ﷺдан ривоят қилинишича, у зот бозорда бир кишининг «Ё Абал-Қосим!» деб чақирганини эшитдилар-да, ўгирилиб қарадилар. Ҳалиги киши: «Мен сизни назарда тутганим йўқ», деди. Шунда Набий ﷺ: «Менинг куням билан куняланманглар», дедилар. Буни бизга Ҳасан ибн Али ал-Халол, унга Язид ибн Ҳорун, Ҳумайддан, у Анасдан, у Набий ﷺдан шу (мазмунда) ривоят қилган. Бу ҳадисда Абул-Қосим деб куняланиш макруҳлигига далолат қилувчи нарса бор.